მისივე თქმით, პარტიის მიმართ დამატებით კრიტიკაში არ შევლენ, ვინაიდან, წინასაარჩევნო კონტექსტში მორატორიუმს აცხადებენ ურთიერთკრიტიკასა და თავდასხმაზე.

“ეს ამბავი ცალმხრივი სიყვარულის ისტორიას ჰგავს. გახარიას მიმართ, წლების განმავლობაში საზოგადოებას და “ლელოს” აქვს კითხვები წარსულთან დაკავშირებით. ამ შეკითხვებზე პასუხი არ მოგვისმენია, არც მომავალში ველოდებით ამ პასუხებს. გახარიასთან თანამშრომლობას “ლელო” არ განიხილავს. არც წარსულში ყოფილა მსგავსი რამ, არც ახლა არსებობს და არც მომავალში არ იქნება. წინასაარჩევნოდ არ განვიხილავთ მათთან თანამშრომლობას, მიუხედავად იმისა, რომ გუნდში რიგი პროფესიონალი ადამიანები ჰყავს, რომლებიც მგონია, რომ თავის დროზე შეიძლება კარგი საჯარო მოხელეებიც კი იყვნენ. დამატებით კრიტიკაში არ შევდივართ, იქიდან გამომდინარე, რომ ნათქვამი გვაქვს წინასაარჩევნო კონტექსტში მორატორიუმს ვაცხადებთ ურთიერთკრიტიკასა და თავდასხმაზე. ამიტომ, კრიტიკაში არ შევდივართ”, - აღნიშნა კუპრაძემ.