„მიხეილ სააკაშვილი ადეკვატურად არ იკვებება, ამას სჭირდება დრო, რომ გადავიდეს საკვების იმ რაოდენობაზე, რაც მისი ორგანიზმისთვისაა საჭირო, ამიტომ მედიკამენტების მიღება არის აუცილებელი. თუ ის შეწყვეტს მედიკამენტების მიღებას, რა თქმა უნდა, გაუარესდება რეაბილიტაციის პროცესი და შეიძლება, თავიდან დაიწყოს ის ცვლილებები, რაც მას კვების შეწყვეტის დაწყების წინ ჰქონდა“, - განაცხადა გიორგი გრიგოლიამ.

მიხეილ სააკაშვილი გორის სამხედრო ჰოსპიტალში მკურნალობას განაგრძობს. მდგომარეობა, ამ დროისთვის, შედარებით გაუმჯობესებულია, თუმცა, ის თავს ისევ სუსტად გრძნობს და გადაადგილება უჭირს.

გუშინ მიხეილ სააკაშვილმა წერილი გაავრცელა, სადაც ნათქვამი იყო, რომ თუ მასთან დეპუტატებს არ შეუშვებენ, ის მკურნალობის კურსს შეწყვეტს.