"მონებოს“ დაწერას ვცდილობდი და თითი მომატეხეს - ანა წითლიძე
„ნაციონალური მოძრაობის“ წევრმა ანა წითლიძემ ზუგდიდის სამხარეო ადმინისტრაციის შენობის წინ მიმდინარე აქციის დროს ხელი დაიზიანა. პირველადი დამხარება მას ადგილზე გაეწია. როგორც ანა წითლიძემ განაცხადა, ხელი მას მაშინ დაუზიანდა, როდესაც შენობის წინ საპროტესტო შინაარსის მქონე წარწერის გაკეთებას ცდილობდა.
„მონებოს“ დაწერას ვცდილობდი და ამიტომ მომატეხეს თითი“, - განაცხადა ანა წითლიძემ.
ზუგდიდის სამხარეო ადმინისტრაციის შენობასთან, სადაც ოპოზიცია საკრებულოს 2022 წლის ბიუჯეტის პროექტის დამტკიცებას აპროტესტებს, ამ დრომდე ხმაურია. პოლიციამ ცოტა ხნის წინა ადგილზე ოპოზიციის ორი მხარდამჭერი დააკავა. ისინი შენობის გარეთ წარწერების გაკეთებას ცდილობდნენ, რის უფლებაც მათ პოლიციამ არ მისცა. პარალელურად შენობის შიგნით ბიუჯეტის პროექტის კენჭისყრა მიმდინარეობს, საიდანაც ოპოზიციის წარმომადგენლები პოლიციამ გამოიყვანა.
ოპოზიცია აცხადებს, რომ „ქართული ოცნება“ ბიუჯეტის პროექტს წინა მოწვევის საკრებულოს წევრებით უყრის კენჭს, რაც კანონდარღვევაა. მათი თქმით, ეცდებიან, რომ ამ უკანონო პროცესს ხელი შეუშალონ.
პოლიცია მობილიზებულია ზუგდიდის სამხარეო ადმინისტრაციის შენობის შიგნით და გარეთ.
სიახლეები
- ქუთაისში WISE-WASTE პროექტის სასტარტო პრესკონფერენცია გაიმართა
- უცხოური ვალუტის ოფიციალური კურსი 14 მაისიდან
- "ევროპარლამენტმა „იმედს“ საქმიანობა ერთი წლით აუკრძალა, მოლდოვამ კი, „იმედს“, „რუსთავი 2“-სა და „პოსტივის“ აკრედიტაციაზე უარი უთხრა"
- სვეტიცხოვლის საკათედრო ტაძარში შიო III-ის აღსაყდრება შედგა
- "იმ პოლიციელებმა, სპეცრაზმელებმა, რომლებიც მონაწილეობდნენ ადამიანების მიმართ ძალადობაში, კანონის წინაშე პასუხი უნდა აგონ, ეს ძალიან მნიშვნელოვანია"
