ჩემს კოლეგებს ვურჩევდი, დროზე მიხურონ კომისია და გავაგრძელოთ საპარლამენტო მუშაობა, - ამის შესახებ "გირჩის" ერთ-ერთმა ლიდერმა იაგო ხვიჩიამ განაცხადა.

ხვიჩიას თქმით, კომისია უკვე ორი თვეა არსებობს და მას ამ დროის განმავლობაში შინაარსი არც ერთ მომენტში არ ჰქონია. 

"ჩემი აზრით, არც მაშინ გააჩნდა, ამ საგამოძიებო კომისიას შინაარსი, როცა ის შექმნეს. მთელ ამ პროცესში, ორი თვეა ეს კომისია არსებობს, ერთი წუთიც არ ყოფილა ისეთი, როცა ამ კომისიას შინაარსი ჰქონდა. შესაბამისად, უშინაარსო ღონისძიებაში მონაწილეობა არ მინდა. ჩემს კოლეგებსაც ვურჩევდი დროზე მიხურონ კომისია და გავაგრძელოთ საპარლამენტო მუშაობა. ჩემი პოზიცია სულ ემთხვეოდა, ჩვენი საერთაშორისო მეგობრების, ფასილიტატორების და მედიატორების პოზიციას. ფაქტობრივად დღეც არ ყოფილა ისეთი, რომ ჩვენ სხვანაირი რამე გვეთქვას და ისინი წინააღმდეგობაში ყოფილიყვნენ", - განაცხადა იაგო ხვიჩიამ.