"არასოდეს გადამიდგამს ნაბიჯი მალულად" - კალაძის განცხადება გადადგომის შესახებ
მე არასდროს გადამიდგამს ნაბიჯი მალულად ან ჩუმად, ყველაფერი ყველასთვის ცხადი გახდება, როდესაც ამის დრო იქნება, - ასე უპასუხა ჟურნალისტების კითხვას დედაქალაქის მერმა, კახა კალაძემ, ტოვებს თუ არა ის მერის თანამდებობას.
მისი თქმით, თანამდებობიდან გადადგომაზე გავრცელებული ინფორმაცია არასწორია და სიცრუე მიზანმიმართულად ვრცელდება.
„ყველაფერს აქვს თავისი დრო. დღეს ადრეა ამაზე საუბარი, ნუ ვჩქარობთ, მე მაქვს ძალიან დიდი პასუხისმგებლობა აღებული თბილისელების წინაშე, ბევრ პროექტს ვახორციელებთ“, - განაცხადა კახა კალაძემ.
ამასთან, კალაძე არ აკონკრეტებს, აპირებს თუ არა მონაწილეობას ადგილობრივი თვითმმართველობის მოახლოებულ არჩევნებში.
"მომდევნო დღეებში, მომდევნო თვეებში, როდესაც ამის დრო მოვა გაიგებთ ყველაფერს იმასთან დაკავშირებით მივიღებ თუ არა მონაწილეობას არჩევნებში. მე არასდროს გადამიდგამს ისეთი ნაბიჯი, რომ მალულად ან ჩუმად ყოფილიყო. ყველაფერი ცხადი იქნება, როდესაც ამის დრო მოვა. ყველაფერს თავისი დრო აქვს, დღეს ადრეა ამაზე საუბარი, ნუ ვჩქარობთ. მე დიდი პასუხისმგებლობა მაქვს აღებული თბილისზე და თბილისელებზე, ბევრ პროექტებს ვახორციელებ. შესაბამისად როგორც კი გადაწყვეტილება იქნება მიღებული გეცნობებათ" - განაცხადა კალაძემ.
სიახლეები
- “გამოართვა თანხა და სცადა, მოტყუებით დაუფლებოდა 1800 ლარს” – სამსახურეობრივი მდგომარეობის გამოყენებით თაღლითობის ჩადენის ფაქტზე, ერთ პირს ბრალი წარედგინა
- “დონალდ ტრამპისა და ვლადიმერ პუტინის შეხვედრამ ყველა კითხვას გასცა პასუხი, რომ ეს იყო დასავლეთის და რუსეთის დაპირისპირება მესამე ქვეყნის ხელით და ამ ომში საქართველო არა თუ მოაზრებული, არამედ გეგმის ნაწილი იყო “ - მამუკა მდინარაძე
- “ტრამპი დიდი სიამოვნებით შესწირავდა უკრაინის და ევროპის ინტერესებსაც თავის მანიაკალურ სურვილს – ნობელის პრემია მიიღოს მშვიდობის დარგში” - მერაბ მეტრეველი
- ლიდერობის და შორსმჭვრეტელობის ინდექსით, საქართველოს ხელისუფლება ევროპის საუკეთესო ოცეულშია
- “ნათელი გახდა, თუ რაზე მოილაპარაკეს პუტინმა და ტრამპმა; ზელენსკი ამ კაპიტულანტურ მოთხოვნას არ დათანხმდება” - რომან გოცირიძე
