"კი, 11 დეკემბერს დაგვაბრუნეს საბჭოთა კავშირში მაგრამ 4 წლით საბჭოთა კავშირს ვერ დააბრუნებენ ნამდვილად" - მარგველაშვილი
"11 დეკემბერს დაგვაბრუნეს საბჭოთა კავშირში, მაგრამ 4 წლით საბჭოთა კავშირს ვერ დააბრუნებენ, ნამდვილად", - ამის შესახებ საქართველოს მეოთხე პრეზიდენტმა გიორგი მარგველაშვილმა ტელეკომპანია პირველის ეთერში განაცხადა.
მისი თქმით, მეათე მოწვევის პარლამენტის პირველი სხდომა, სადაც მხოლოდ "ქართული ოცნება" იყო წარმოდგენილი, დასანანი და შეურაცხმყოფელი სანახავი იყო.
"ეს მართლაც დასანანი და შეურაცხმყოფელი სურათია. მე რიცხვებს და თარიღებს ვერ გეტყვით. სავარაუდოდ, "ქართული ოცნება" შეიძლება დაფიქრდეს, როდის არის მათთვის მომგებიანი პოლიტიკური კალენდარი და როდის იქნება მათთვის მომგებიანი არჩევნების ჩატარება. ბუნებრივია ისინი თავისი პარტიის პოზიციიდან ფიქრობენ და, ბუნებრივია, მათზე იქნება დამოკიდებული მეტწილად ამ თარიღის დანიშვნა. ბევრი დეტალისგან შედგება.
ის, რომ ეს დღეიდან გაღრმავდება, ეს ფაქტია, ამ მომხდარ ამბავს დღეიდან მარტო გაღრმავება უწერია. ვერაფრით ვეღარ შეტრიალდება ეს ამბავი სხვა სცენარში. შეიძლება ბევრს უნდოდეს, მაგრამ უკვე ვეღარ შეტრიალდება. ეს დაიწყებს გაღრმავებას.
ქართული ოცნება ეცდება ალბათ პოლიტიკური კალენდარი მოარგოს თავისთვის სასარგებლო დღის წესრიგს, რაც ასევე ნორმალურია პოლიტიკური პარტიისთვის.
თარიღებს ვერ გეტყვით. კი, 11 დეკემბერს დაგვაბრუნეს საბჭოთა კავშირში მაგრამ 4 წლით საბჭოთა კავშირს ვერ დააბრუნებენ ნამდვილად", - განაცხადა გიორგი მარგველაშვილმა.
სიახლეები
- " ტრამპი „დიფ სთეითს“ თუ დაამარცხებს, მსოფლიოში მშვიდობა იქნება, ამ ბრძოლაში თუ წააგებს, ქართველები ვართ, ურდოებისთვის გაგვიძლია, ჩვენს ენას, სარწმუნოებას ყოველთვის დავიცავთ" - ირაკლი ზარქუა
- პუტინმა გამარჯვების დღე მიულოცა ქართველ ხალხს და ოკუპირებული რეგიონების დე ფაქტო ლიდერებს
- "გიორგი გახარია ახლა ცდილობს როგორმე შეინარჩუნოს მოწინავე პოზიცია ამ დესტრუქციული პოლიტიკური სუბიექტების ხროვაში" - გიორგი ვოლსკი
- "მოუწოდებდნენ საქართველოს ხელისუფლებას ომში გაეგზავნა მეომრები, დაეწესებინა სანქციები და ჩაეკეტა ცა, ჩვენი მოქალაქეების ხელით გვითრევდნენ ომში" - შალვა პაპუაშვილი
- " მაქვს პატივი, რომ პირველად მოვხვდი იმ ადამიანების სიაში, რომლებიც სანქცირდებიან თავის სამშობლოსთვის თავდადებისთვის და სამშობლოსთვის ბრძოლისთვის, ჯო ვილსონი შალვა ნათელაშვილის კატეგორიის პოლიტიკოსია" - ნინო წილოსანი „მეგობარ აქტზე“
