კრემლმა განაცხადა, რომ მან „გაითვალისწინა“ აშშ-ის პრეზიდენტ დონალდ ტრამპის განცხადება, რომ მოსკოვი უკრაინაში ომის დასრულების ვადას შეამცირებდა,- ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.
თურქეთის პრეზიდენტი რეჯეფ თაიფ ერდოღანი აცხადებს, რომ 2025 წლის ზაფხულში გაჩენილ ტყის ხანძრებთან კავშირში მყოფი 40-მდე პირი დააკავეს.
აშშ-ში, მანჰეტენზე, შეიარაღებულმა პირმა ერთ-ერთი ოფისის შენობაში ცეცხლი გახსნა. სროლის შედეგად გარდაიცვალა 4 ადამიანი, მათ შორის პოლიციელი. თავდამსხმელმა ასევე, დაჭრა ერთი მოქალაქე და თავი მოიკლა.
ისრაელის საჰაერო დარტყმებმა ბოლო 24 საათში, დაახლოებით, 92 პალესტინელი იმსხვერპლა, 435 კი დაშავდა,- ინფორმაციას პალესტინის ჯანდაცვის სამინისტრო ავრცელებს.
აშშ-ის პრეზიდენტმა, დონალდ ტრამპმა განაცხადა, რომ ის გეგმავს, კრემლის ლიდერის, ვლადიმერ პუტინისთვის უკრაინასთან ცეცხლის შეწყვეტის შესახებ მოლაპარაკებებისთვის მიცემული ვადა შეამციროს.
გერმანიაში სამგზავრო მატარებელი ლიანდაგებიდან გადავიდა, რასაც სულ მცირე 3 ადამიანის სიცოცხლე ემსხვერპლა, რამდენიმე კი მძიმედ დაშავდა.
