ევროპაში პანდემია იკლებს, აშშ-ში სიკვდილიანობის მკვეთრ ზრდას ვარაუდობენ
მსოფლიოში კორონავირუსის პანდემიის შედეგად გარდაცვლილთა რიცხვმა 250 ათასს გადააჭარბა, ინფიცირებულთა რაოდენობამ კი - 3,5 მილიონს.
ვაშინგტონის უნივერსიტეტის ჯანდაცვის აღრიცხვისა და შეფასების ინსტიტუტის (IHME) თანახმად, ამერიკაში COVID-19-ით სიკვდილიანობის მკვეთრი ზრდა არის მოსალოდნელი მაშინ, როცა დასავლეთ ევროპის ბევრი ქვეყანა გამოდის მრავალკვირიანი მკაცრი საკარანტინო ზომებიდან იმ იმედით, რომ კონტინენტზე პანდემიამ პიკს მიაღწია. ამ ვარაუდის საფუძველს იძლევა სიკვდილიანობის კლება ევროპის იმ ქვეყნებში, სადაც ყველაზე მძიმე ვითარება იყო ეპიდემიის თვალსაზრისით.
IHME, რომლის მოდელებსაც ეყრდნობა თეთრი სახლი, თავის განახლებულ პროგნოზში ვარაუდობს, რომ აგვისტოს დასაწყისამდე აშშ-ში COVID-19-ით გარდაცვლილთა რაოდენობამ 135 ათასს შეიძლება მიაღწიოს. ეს თითქმის ორჯერ მეტია 17 აპრილს გაკეთებულ პროგნოზზე, ვინაიდან შტატების უმრავლესობა ამსუბუქებს საკარანტინო და სოციალური დისტანცირების ზომებს.
4 მაისს მსოფლიო ლიდერებმა ონლაინ კონფერენციაზე ვალდებულება იკისრეს, მინიმუმ 8,1 მილიარდი დოლარი გამოყონ კორონავირუსის ვაქცინაზე მუშაობისთვის.
სიახლეები
- " ტრამპი „დიფ სთეითს“ თუ დაამარცხებს, მსოფლიოში მშვიდობა იქნება, ამ ბრძოლაში თუ წააგებს, ქართველები ვართ, ურდოებისთვის გაგვიძლია, ჩვენს ენას, სარწმუნოებას ყოველთვის დავიცავთ" - ირაკლი ზარქუა
- პუტინმა გამარჯვების დღე მიულოცა ქართველ ხალხს და ოკუპირებული რეგიონების დე ფაქტო ლიდერებს
- "გიორგი გახარია ახლა ცდილობს როგორმე შეინარჩუნოს მოწინავე პოზიცია ამ დესტრუქციული პოლიტიკური სუბიექტების ხროვაში" - გიორგი ვოლსკი
- "მოუწოდებდნენ საქართველოს ხელისუფლებას ომში გაეგზავნა მეომრები, დაეწესებინა სანქციები და ჩაეკეტა ცა, ჩვენი მოქალაქეების ხელით გვითრევდნენ ომში" - შალვა პაპუაშვილი
- " მაქვს პატივი, რომ პირველად მოვხვდი იმ ადამიანების სიაში, რომლებიც სანქცირდებიან თავის სამშობლოსთვის თავდადებისთვის და სამშობლოსთვის ბრძოლისთვის, ჯო ვილსონი შალვა ნათელაშვილის კატეგორიის პოლიტიკოსია" - ნინო წილოსანი „მეგობარ აქტზე“
