მასკი ერთგვარად დაემშვიდობა პრეზიდენტ ტრამპის კაბინეტს. მან განაცხადა, რომ მომავალში გეგმავს კვირაში მხოლოდ ერთი ან ორი დღე იმუშაოს მთავრობის ეფექტურობის დეპარტამენტში.

„პირველი 100 დღის განმავლობაში უზარმაზარი რამ იქნა მიღწეული. მინდოდა მადლობა გადამეხადა ყველასთვის. ჩემთვის თქვენთან მუშაობა დიდი პატივი იყო. მადლობა ყველაფრისთვის“, – განაცხადა მასკმა მთავრობის სხდომაზე.

DOGE-ის ხელმძღვანელმა ილონ მასკმა განაცხადა, რომ მისმა ფედერალურმა სამუშაო ძალის შემცირების ინიციატივამ ჯერჯერობით 160 მილიარდი დოლარი დაზოგა – გაცილებით ნაკლები, ვიდრე მისი თავდაპირველი პროგნოზები იყო.

აშშ-ის პრეზიდენტმა მას გაწეული სამსახურისთვის მადლობა გადაუხადა.