წითელას გავრცელების შედეგად ტეხასის შტატში ორი ბავშვი გარდაიცვალა
აშშ-ში, ტეხასის შტატში წითელას დაავადებით მეორე არასრულწლოვანი გარდაიცვალა,- ინფორმაცია ადგილობრივ მედიაში ვრცელდება.
როგორც გამოცემები იუწყებიან, 6 აპრილს ტეხასის შტატში წითელათი ბავშვებში გარდაცვალების მეორე შემთხვევა დაფიქსირდა. ინფექციონისტების ცნობით, სკოლის მოსწავლეს ინფექციური დაავადება გაურთულდა. ამასთან, ბავშვს არ ჰქონია რაიმე სხვა ქრონიკული დაავადება და არ ყოფილა აცრილი.
მსგავსი შემთხვევა აშშ-ში ბოლო ათი წლის განმავლობაში დაფიქსირებული არ ყოფილა.
როგორც გამოცემები იუწყებიან, ეპიდემიური აფეთქება იანვრის ბოლოს დაიწყო და მხოლოდ ტეხასის შტატში 500-მდე შემთხვევაა დაფიქსირებული. გარდა ამისა, ეპიდემიის შემთხვევები, სავარაუდოდ, აქტიურად გავრცელდა ნიუ მეხიკოში, ოკლაჰომაში, კანზასა და მექსიკაში.
აშშ-ის ჯანდაცვის მინისტრი, რობერტ ფრენსის კენედი უმცროსი რეგიონს ეწვია და გარდაცვლილთა ოჯახები მოინახულა. მიუხედავად იმისა, რომ თავდაპირველად იგი ვაქცინის წინააღმდეგი იყო, პოსტზე დანიშვნის შემდეგ განაცხადა, რომ რომ ეს იყო “წითელას გავრცელების პრევენციის ყველაზე ეფექტური გზა”.
აშშ-ის პრეზიდენტმა, დონალდ ტრამპმა განაცხადა, რომ წითელათი დაავადებულთა რიცხვი არ არის დიდი და მოსახლეობას დაჰპირდა, რომ სიტუაციის გაუარესების შემთხვევაში, ხელისუფლება სათანადო ზომებს მიიღებს.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
