"თუ ზელენსკი იშვიათი წიაღისეულის შესახებ შეთანხმებიდან უკან დაიხევს, პრობლემები ექნება" - ტრამპი
აშშ-ის პრეზიდენტის, დონალდ ტრამპის განცხადებით, უკრაინის პრეზიდენტს, ვოლოდიმირ ზელენსკის იშვიათი მინერალების შესახებ მნიშვნელოვან შეთანხმებაზე უარის თქმა სურს.
ტრამპის თქმითვე, უკრაინის ლიდერს განუცხადა, რომ თუ ამას იზამს, დიდი პრობლემები შეექმნება.
„ვფიქრობ, ზელენსკი ცდილობს, უკან დაიხიოს იშვიათი წიაღისეულის შესახებ შეთანხმებიდან და თუ ამას გააკეთებს, პრობლემები ექნება, დიდი, დიდი პრობლემები“,- აღნიშნა ტრამპმა.
აშშ-ის პრეზიდენტის თქმით, უკრაინა არასოდეს შეუერთდება ჩრდილოატლანტიკურ ალიანსს.
„მას ნატო-ს წევრობა სურს. მაგრამ ის ვერასდროს გახდება ნატო-ს წევრი და მას ეს ესმის“,-განაცხადა ტრამპმა.
ამასთან, მისივე თქმით, უკრაინაში სამი წლის განმავლობაში მიმდინარე ომის დასასრულებლად საბოლოო სამშვიდობო შეთანხმების მიღწევის გზაზე კარგი პროგრესია. თუმცა, აშშ-ის პრეზიდენტის თქმით, ვლადიმერ პუტინის ბოლოდროინდელმა განცხადებებმა ზელენსკის ლეგიტიმურობის შესახებ გარკვეული პრობლემები შექმნა მოლაპარაკებებში.
სიახლეები
- “როდესაც შენ, კონკრეტული პოლიტიკური პარტიის ლიდერისგან ქირაობ რეზიდენციას და ამის შემდეგ გამოდიხარ ამ პოლიტიკური პარტიის გულმხურვალე მხარდამჭერად, აქ კითხვები ერთიორად მძაფრდება” - ირაკლი კობახიძე გერმანიის ელჩზე
- “საზოგადოებას აქვს სრული უფლება, იცოდეს ყველა დეტალი ამ გარიგების, როდესაც უცხო ქვეყნის ელჩი, რომელიც ვხედავთ, რომ გამოირჩევა ოპოზიციის ქომაგობითა და მხარდაჭერით” - შალვა პაპუაშვილი ფიშერის მიერ ხაზარაძის სახლის დაქირავებაზე
- შოვის ტრაგედიიდან ორი წელი გავიდა
- ბერძნული სალათა
- “მედვედევის პროვოკაციული განცხადებების შემდეგ, შესაბამის რეგიონებში ორი ბირთვული წყალქვეშა ნავის განლაგების ბრძანება გავეცი” - ტრამპი
