აშშ-ის პრეზიდენტმა ასევე აღნიშნა, რომ შეჭრის საბაბად რუსეთი დეზინფორმაციას გამოიყენებს, რომელიც თითქოსდა დონბასში უკრაინის მხრიდან შეჭრის მცდელობას უკავშირდება.

"ჩვენ გვჯერა, რომ მათი სამიზნე იქნება უკრაინის დედაქალაქი კიევი. ქალაქი, სადაც 2,8 მილიონი უდანაშაულო ადამიანი ცხოვრობს. ჩვენ რეგულარულად და საჯაროდ ვსაუბრობთ რუსეთის გეგმებზე, არა იმიტომ, რომ კონფლიქტი გვინდა, არამედ იმიტომ, რომ ყველაფერი გავაკეთოთ, რაც შეგვიძლია. გავაქარწყლოთ ყველა მიზეზი, რაც შეიძლება იყოს რუსეთისთვის შეჭრის საფუძველი. ამერიკის შეერთებული შტატები და მისი მოკავშირეები მზად არიან, რომ დავიცვათ NATO-ს ტერიტორია ნებისმიერი საფრთხისგან. ჩვენ არ გავგზავნით ჯარს უკრაინაში საბრძოლველად, მაგრამ ჩვენ გავაგრძელებთ უკრაინელი ხალხის მხარდაჭერას". – თქვა ბაიდენმა.

ჟურნალისტის კითხვაზე, ნიშნავს თუ არა ეს კონფლიქტის მოგვარების დიპლომატიური მცდელობების შეწყვეტას, ბაიდენმა თქვა, რომ "სანამ ის არ დაიწყებს შეჭრას, დიპლომატიური გადაწყვეტა შესაძლებელი რჩება".

ბაიდენმა დასძინა, რომ თუ უკრაინაში საომარი მოქმედებები დაიწყება საგარეო საქმეთა მინისტრ სერგეი ლავროვისა და მისი ამერიკელი კოლეგის ენტონი ბლინკენის შეხვედრამდე, რომელიც 24 თებერვალს არის დაგეგმილი, ეს ნიშნავს, რომ რუსეთმა "დიპლომატიისთვის კარი დაკეტა" - დასძნა ბაიდენმა