დაავადებათა კონტროლის ეროვნული ცენტრის დირექტორის მოადგილე პაატა იმნაძე აცხადებს, რომ ორშაბათს საზოგადოებისთვის ცნობილი გახდება, თუ როგორ გაგრძელდება ქვეყანაში პანდემიის მართვა. მისი განცხადებით საქართველო, სავარაუდოდ, ევროპული ქვეყნების მართვის ფორმას აირჩევს, რაც კოვიდპასპორტების შემოღებასა და მოქალაქეებისთვის რამდენიმე შემოთავაზებული ვარიანტიდან არჩევანის გაკეთების შესაძლებლობას გულისხმობს.
დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილე პაატა იმნაძე აცხადებს, რომ ვაქცინაცია სავალდებულო უნდა იყოს.მისი თქმით ეს წესი განსაკუთრებით ექიმებისა და მედიცინის მუშაკებზე უნდა გავრცელდეს.
დაავადებათა კონტროლის ეროვნული ცენტრის ანგარიშის თანახმად, 2021 წლის 1-ელი ოქტომბრის მდგომარეობით, კორონავირუსით ინფიცირებულთა შორის ჯანდაცვის მუშაკები 6.4%-ს შეადგენს.
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 55 301 ტესტი, გამოვლინდა ინფიცირების 5 340 ახალი შემთხვევა, გამოჯანმრთელდა 3 631 პირი, დადებითობის დღიური მაჩვენებელი არის 9.66%.
“კოვიდინფიცირებულთა რაოდენობა მალე საგანგაშო რიცხვს მიუახლოვდება, სავარაუდოდ საველე ჰოსპიტლებიც გაიხსნება და აცრაც სავალდებულო გახდება კონკრეტული სფეროს წარმომადგენლებისთვის.
რამდენიმე დიდი ქალაქი 10-15 პროცენტით ჩამორჩება სამიზნე 60%-იან მაჩვენებელს. მნიშვნელოვანია, რომ ამ ქალაქებში სრულად მივაღწიოთ ვაქცინაციის მოცვას, - ამის შესახებ უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე ჯანდაცვის მინისტრის მოადგილემ, თამარ გაბუნიამ განაცხადა.
