ნეპალის კოალიციურმა მთავრობამ, რომელსაც კომუნისტი პრემიერ-მინისტრი ხელმძღვანელობს, სოციალური ქსელების აკრძალვა გადაიფიქრა. ამ შედეგს ნეპალელებმა, ძირითადად, ახალგაზრდებმა მიაღწიეს საპროტესტო გამოსვლებით. 8 სექტემბერს, მასობრივი არეულობების შედეგად სულ მცირე 19 ადამიანი დაიღუპა.
უკრაინამ და ევროკომისიამ გაწევრიანების შესახებ მოლაპარაკებების ბოლო, მეხუთე კლასტერის სკრინინგი დაიწყეს, რომელიც სოფლის მეურნეობას ეხება, - ინფორმაციას უკრაინული მედია ევროპული და ევროატლანტიკური ინტეგრაციის საკითხებში ვიცე-პრემიერ მინისტრის ოფისზე დაყრდნობით ავრცელებს.
მელიქიშვილის გამზირზე მოქალაქეებს შორის მომხდარი დაპირისპირების ფაქტთან დაკავშირებით, გამოძიება სისხლის სამართლის კოდექსის 126-ე მუხლის პირველი პრიმა ნაწილით დაიწყო, რაც ჯგუფურად ჩადენილ ძალადობას გულისხმობს. ამის შესახებ განცხადებას შსს ავრცელებს.
ხალხის ძალას ყველა ნახავს 4 ოქტომბერს. თქვენ მკითხეთ, როგორ წარმოგიდგენიათ ეგ დღეო – მარტივად წარმომიდგენია, საქართველოს მოქალაქეები, განურჩევლად პოლიტიკური პოზიციებისა, განურჩევლად პარტიული კუთვნილებისა, იბრძოლებენ ამ ქვეყნის თავისუფლებისთვის, – ამის შესახებ „ერთიანობა – ნაციონალური მოძრაობის“ პოლიტიკური საბჭოს წევრმა, ანა წითლიძემ „ღამის კურიერის“ ეთერში განაცხადა.
„ერთი რაც ძალიან ნათლად გამოჩნდა, ინფორმატორი ანიტა – ლევან ხაბეიშვილი რეალობა ყოფილა,“ – ამის შესახებ პარლამენტის ვიცე-სპიკერმა, ნინო წილოსანმა, სოფო ჯაფარიძის, ლევან ხაბეიშვილისა და პაატა ბურჭულაძის განცხადებებზე საუბრისას განაცხადა.
ქუთაისის მერის მოადგილემ იუზა უგულავამ თანამდებობა დატოვა.
იერუსალიმში, რამოტის გზაჯვარედინზე მომხდარ შეიარაღებულ თავდასხმას ხუთი ადამიანი ემსხვერპლა, 15 კი დაშავდა. დაშავებულთაგან ექვსის მდგომარეობა კრიტიკულად მძიმეა.
ამერიკის შეერთებული შტატების პრეზიდენტი დონალდ ტრამპი უახლოეს დღეებში გეგმავს რუსეთის პრეზიდენტ ვლადიმირ პუტინთან საუბარს, ვაშინგტონში კი ევროპელი ლიდერების ვიზიტია დაგეგმილი. ეს 7 სექტემბერს ჟურნალისტებს ენდრიუსის ბაზაზე უთხრა თავად ტრამპმა, რომელიც უქმე დღეების შემდეგ ვაშინგტონში დაბრუნდა.
