„დაუშვებელია ვალუტის გადამცვლელი პუნქტების დახურვა - ვალუტის ყიდვა-გაყიდვა ექსკლუზიურად აღმოჩნდება მხოლოდ ბანკების ხელში“ - ასე ეხმაურება ფრაქცია "ნაციონალური მოძრაობის" თავმჯდომარე რომან გოცირიძე "ფეისბუქის" საკუთარ გვერდზე ეროვნული ბანკის განცხადებას.
საქართველოს ხელისუფლება კორონავირუსის პანდემიის გამო შექმნილი ეკონომიკური შოკის დასაძლევად ანტიკრიზისულ გეგმას უახლოეს დღეებში წარადგენს. მანამდე კი მთავრობამ ბიზნესს გარკვეული გადასახადები უკვე გაუუქმა და მოსახლეობას სხვადასხვა ჯარიმების გადახდის ვადა გაუხანგრძლივა. 3-თვიანი საშეღავათო პერიოდი დაუწესეს კომერციულმა ბანკებმა მსესხებლებს.
იმერეთში, საირმის საკარანტინო ზონა დღეს 41-მა მოქალაქემ დატოვა.
ევროპას ხილისა და ბოსტნეულის დეფიციტი ემუქრება, - ამის შესახებ ინფორმაციას Bloomberg-ი აქვეყნებს. გამოცემის ცნობით, დეფიციტის მთავარი მიზეზი მუშა-ხელის ნაკლებობა გახდება.
მსოფლიოში კორონავირუსით ინფიცირებულთა რიცხვი 680 696-ს აღწევს, ლეტალური შემთხვევების რაოდენობამ კი 31 000-ს გადააჭარბა.
საქართველოს პრეზიდენტი სალომე ზურაბიშვილი მარნეულის მუნიციპალიტეტის შესასვლელთან მდებარე გამშვებ პუნქტთან არსებულ მდგომარეობას გაეცნო, რომელზეც ჯანდაცვის, შინაგან საქმეთა სამინისტროსა და საქართველოს თავდაცვის ძალების წარმომადგენლები არიან განლაგებულნი.
ფოთის შესასვლელ-გასასვლელში საპოლიციო ბლოკ-პოსტები უკვე განთავსდა. ქალაქში ყველა შემომსვლელი და გამსვლელი მკაცრად გაკონტროლდება. რეგიონის რწმუნებულის თქმით, გაძლიერებული კონტროლის პირობებში, ერთ ავტომობილში 3 ადამიანის ყოფნა არის დასაშვები.
ბოდბის მონასტერში საკვირაო მსახურება, სრულიად საქართველოს კათოლიკოს პატრიარქმა ილია მეორემ და ბოდბელმა ეპისკოპოსმა აღავლინეს. წირვის დასრულების შემდეგ, ილია მეორემ მრევლს ლოცვისკენ მოუწოდა, გაამხნევა და უთხრა, რომ მწუხარებას სიხარული შეცვლის.
