ბანგლადეშში დიდი მსხვერპლი მოჰყვა არმიის თვითმფრინავის კატასტროფას
სულ მცირე 27 ადამიანი დაიღუპა და 170-ზე მეტი დაშავდა ბანგლადეშის დედაქალაქ დაკაში ქვეყნის შეიარაღებული ძალების თვითმფრინავის ჩამოვარდნის შედეგად. ამის შესახებ დღეს, 22 ივლისს იუწყება ბანგლადეშის ჯანდაცვის სამინისტრო.
არმიის სასწავლო თვითმფრინავი F-7 BGI ორშაბათს, 21 ივლისს ჩამოვარდა სკოლის და კოლეჯის, Milestone-ის ტერიტორიაზე, ორსართულიან შენობასთან.
თვითმფრინავის აფეთქებით გამოწვეულმა ხანძარმა შენობაც მოიცვა.
ბანგლადეშის არმიის ინფორმაციით, სასწავლო თვითმფრინავში ტექნიკური გაუმართაობა აფრენის შემდეგ დაფიქსირდა. მიმდინარეობს გამოძიება.
დაღუპულთა შორის არიან პილოტი, 25 მოსწავლე და ერთი პედაგოგი. დაშავებულთა უმრავლესობის მდგომარეობა მძიმეა.
ტრაგედიის გამო 22 ივლისი ბანგლადეშში ეროვნული გლოვის დღედ გამოცხადდა.
სიახლეები
- ყოვლადწმინდა სამების საპატრიარქო ტაძარში საქართველოს მართლმადიდებელი ეკლესიის გაფართოებულ კრებაზე საქართველოს 142-ე პატრიარქი აირჩიეს
- ,,დღეს ისტორიული მოვლენის წინაშე ვდგავართ, ყოვლადწმინდა სამების ამ დიდებულ ტაძარში შეკრებილნი სრულად ვართ მინდობილნი ღვთის განგებულებას"- მეუფე შიო
- ,,ღვთის განგებას ვერ გადავწყვეტ, როგორც უფალი განაგებს ისე იქნება"- მეუფე იოანე
- ,,მშვიდობა იზეიმებს და საქართველო გაიმარჯვებს" - მეუფე გრიგოლი
- სამეგრელოში უკანონო ცეცხლსასროლი იარაღები და საბრძოლო მასალა ამოიღეს
