თუ ჩვენ ახლა შევეგუებით ამ არჩევნების გაყალბებას, საქართველოში არჩევნები საერთოდ აღარ ჩატარდება და იქნება ბიძინა ივანიშვილის დინასტია უკუნითი უკუნისამდე, ,- ასე გამოეხმაურა „ერთიანი საქართველოს“ ლიდერი ნინო ბურჯანაძე ევროპარლამენტარების მიერ გავრცელებულ განცხადებას.
მე-10 მოწვევის პარლამენტის პირველ სხდომას 88 წევრი ესწრება. შესაბამისად, ის უფლებამოსილია მუშაობა დაიწყოს.
დღეს მართლაც მნიშვნელოვანი დღეა. ვფიქრობ, რომ ნამდვილად არ არის გამარჯვება ის, რომ ერთპარტიული პარლამენტია შენობაში შეკრებილი. ეს, სამწუხაროდ, არის დიდი კრიზისისა და მარცხის ნაწილი, რომელიც ქართულმა დემოკრატიამ განიცადა,- ამის შესახებ „სტრატეგია აღმაშენებლის“ ლიდერმა გიორგი ვაშაძემ საერთო ოპოზიციურ მემორანდუმზე ხელის მოწერისას განაცხადა.
საზოგადოებას, რომელიც ახლა გვიყურებს და გვეუბნება, „დავიღალეთ“, საზოგადოებას უნდა მოვუსმინოთ ამ დარბაზში და ამ დარბაზის გარეთ. „დავიღალეთ“ ერთ წრეზე ბრუნვით, ქუჩიდან პოლიტიკური პროცესების მართვის მცდელობით, დიალოგის ნაცვლად მუქარითა და დესტაბილიზაციის პროვოცირებით, – ამის შესახებ საქართველოს პრეზიდენტმა, სალომე ზურაბიშვილმა მეათე მოწვევის პარლამენტის პირველ სხდომაზე განაცხადა.
დღევანდელი აქცია სიმბოლურია, სიმბოლურ ადგილას. საქართველოს პირველი პარლამენტი სწორედ აქ შეიკრიბა და ჩვენი დღევანდელი აქცია, ბოიკოტი მეათე მოწვევის გაყალბებულ პარლამენტს სწორედ პარლამენტარიზმის დაცვას და არჩევნების იდეის დაცვას ემსახურება, რადგან თუ რამე აზიანებს დემოკრატიას, თუ რამე აზიანებს არჩევანის თავისუფლებას, ეს არის გაყალბებული არჩევნები, – ამის შესახებ „ევროპული საქართველოს“ წევრმა, გიგი უგულავამ მოსწავლე-ახალგაზრდობის ბაღში მიმდინარე აქციაზე განაცხადა.
დღეს ვართ დამოუკიდებლები, ვართ თავისუფლები, თუმცა ჯერ კიდევ გვჭირდება ჩვენი ცნობიერების გათავისუფლება და ინსტიტუტების გაძლიერება, – ამის შესახებ საქართველოს პრეზიდენტმა სალომე ზურაბიშვილმა ახალარჩეული პარლამენტის პირველი სხდომის გახსნისას, სიტყვით გამოსვლის დროს განაცხადა.
