შემაძრწუნებელი სანახავია, რომ სანდრო გირგვლიანის საქმის მოსამართლეს ეფარებიან, მის ღირსებას იცავენ თურმე და გაჩერებული აქვთ საპარლამენტო საქმიანობა - ყოჩაღ, მივიდნენ აქამდე მმართველობის 11 წლის თავზე, ვულოცავ “ქართულ ოცნებას” იმ საძაგელი მურუსიძის ღირსების დაცვას! - ამის შესახებ ჟურნალისტებთან “მოქალაქეების” დეპუტატმა, ალეკო ელისაშვილმა განაცხადა.
სასამართლოსთან დაკავშირებულ საგამოძიებო კომისიას, როგორც ჩანს, დღის სინათლე არ უწერია, მაგრამ ხელისუფლებამ დაადასტურა, რომ ბევრი აქვს დასამალი, - ამის შესახებ პარტია „საქართველოსთვის“ წევრმა, დეპუტატმა ანა ბუჩუკურმა განაცხადა.
პროცედურული ომი ლეგიტიმური ინსტრუმენტი, რომელსაც დეპუტატები იყენებენ ხოლმე, ამ შემთხვევაში უკანონობასთან გვაქვს საქმე - რეალურად კონსტიტუციის დარღვევას აქვს ადგილი! - ასე აფასებს კონსტიტუციური სამართლის სპეციალისტი ვახუშტი მენაბდე მმართველი უმრავლესობის გადაწყვეტილებას, კენჭისყრის წინ რეგისტრაციის არგავლის გზით არ მისცეს ოპოზიციას დროებითი საგამოძიებო კომისიის შექმნის შესაძლებლობა.
ოპოზიციონერი დეპუტატი ხათუნა სამნიძე სასამართლო სისტემაში კორუფციული და სხვა კანონის საწინააღმდეგო ქმედებათა შემსწავლელი დროებითი საგამოძიებო კომისიის შექმნის საკითხის დღის წესრიგში დაყენებასთან დაკავშირებით კვორუმის არარსებობას გამოეხმაურა და განაცხადა, რომ „ქართულ ოცნებას“ საპროცედურო ომი აქვს გამოცხადებული.
მეორედ ვერ დავუშვებთ, რომ კოლექტიური „ნაციონალური მოძრაობის“ მხრიდან განხორციელდეს თუნდაც მინიმალური დოზით წარმატებული შეტევა დამოუკიდებელ სასამართლოზე, კვლავაც გვექნება პრინციპული პოზიცია ნებისმიერი ასეთი მცდელობის მიმართ, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ განაცხადა.
„ბევრი ათასი ხმით წააგეს და არ ვიცი, ბოღმა გულით როდემდე უნდა ატარონ - ვიღაცებს ემოციები, განცდები და ტკივილები აქვთ, რომ არჩევნები წააგეს, ეგ მათი პრობლემაა, მე მათ ნაცვლად ყოველ დილა-საღამოს ვერ ვიტირებ, - ამის შესახებ ჟურნალისტებთან „ნაციონალური მოძრაობის” თავმჯდომარემ ლევან ხაბეიშვილმა განაცხადა.
