"ნაციონალური მოძრაობის" ამოცანაა დააზიანოს ქვეყანა, მოაწყოს გადატრიალება და ხალხი დააპირისპიროს ერთმანეთს"
„ნაციონალური მოძრაობის" ერთ-ერთი მთავარი ამოცანაა, როგორმე დააზიანოს ქვეყანა, მოაწყოს გადატრიალება, ხალხი დააპირისპიროს ერთმანეთს. ეს არავის გამოუვა, - ამის შესახებ თბილისის მერმა კახა კალაძემ განაცხადა.
ჟურნალისტების კითხვაზე, სიტუაცია ჩიხში ხომ არ არის შესული, გამომდინარე იქიდან, რომ აქციის მონაწილეები დაშლას არ აპირებენ, კახა კალაძემ განაცხადა, რომ ყველაფერს თავისი სახელი უნდა დაერქვას. ამასთან, მან აღნიშნა, რომ პროპორციულ არჩევნებთან დაკავშირებით, ძალიან მნიშვნელოვანი გადაწყვეტილებაა მიღებული, რაც საზოგადოების მოთხოვნაა და ქვეყნის დემოკრატიულ განვითარებას შეუწყობს ხელს.
„ყველა თანხმდება და კონსენსუსია მიღწეული იმაზე, რომ ეს არის სწორი გადაწყვეტილება და მნიშვნელოვანი ნაბიჯი იმისკენ, რომ ქვეყანა დემოკრატიულად განვითარდეს, პარლამენტი იყოს მრავალპარტიული. ამაზეც, რა თქმა უნდა, მოსახლეობა მიიღებს გადაწყვეტილებას, თუ რამდენი პარტია იქნება მომდევნო 2020 წლის პარლამენტში, ვინ იქნებიან კონკრეტულად ეს სუბიექტები. მოსახლეობა მიიღებს ამაზე გადაწყვეტილებას, მაგრამ "ნაციონალური მოძრაობა", ფაქტობრივად, ემიჯნება ამ გადაწყვეტილებას, ჩვენ მოვისმინეთ მათი ლიდერის არაერთი განცხადება ამასთან დაკავშირებით. სატყუარა თუ რაღაც დაარქვა ამ პროცესებს, რაც კატეგორიულად მიუღებელი და გაუგებარია ჩემთვის. მათთვის ერთ-ერთი მთავარი ამოცანაა, როგორმე დააზიანონ ქვეყანა, მოაწყონ გადატრიალება, ხალხი დააპირისპირონ ერთმანეთს, იყოს გადატრიალების, დამხობის მცდელობა. ეს არავის გამოუვა," - განაცხადა თბილისის მერმა.
სიახლეები
- "პატიმრობისას გამიძლიერდა გრძნობა, რომ ჟურნალისტიკა გაცილებით მეტია, ვიდრე ინფორმაციის გავრცელება" - მზია ამაღლობელი
- საპატრულო პოლიციამ განსაკუთრებით დიდი ოდენობით ნარკოტიკი ამოიღო, დაკავებული არიან უცხო ქვეყნის მოქალაქეები
- "უკრაინა მზადაა ცეცხლის შეწყვეტისთვის, თუ რუსეთი, სულ მცირე, 30-დღიან ცეცხლის შეწყვეტას დათანხმდება" - ვოლოდიმირ ზელენსკი
- "აღმოჩნდა, რომ მიხეილ სააკაშვილი ჩვენი კომისიის სხდომებს ცალი თვალით მაინც უყურებს"- თეა წულუკიანი
- როგორი ამინდია მოსალოდნელი საქართველოში