“ქუჩის გადაკეტვა, როდესაც არ არის ამის აუცილებლობა, არის კანონდარღვევა” – შალვა პაპუაშვილი
“ქუჩის გადაკეტვა, როდესაც არ არის ამის აუცილებლობა, არის კანონდარღვევა. შესაბამისად, იქნება ეს ექიმი, ვექილი, ჟურნალისტი თუ სხვა, ამას კანონისთვის მნიშვნელობა არ აქვს. კანონი ვერ იქნება დისკრიმინაციული”, – ამის შესახებ პარლამენტის თავმჯდომარე, შალვა პაპუაშვილი აცხადებს.
ის პარლამენტთან აქციების მონაწილეების, მათ შორის, ჟურნალისტ ვახო სანაიას დაკავებას გამოეხმაურა.
„ფინეთის მინისტრი რომ იდგა რუსთაველის გამზირზე, იმ ფინეთის მთავრობამ 50 ადამიანი დააკავა ქუჩის გადაკეტვისთვის. ვთანხმდებით, რომ ქუჩის გადაკეტვა, როდესაც არ არის ამის აუცილებლობა, არის კანონდარღვევა. თუკი გადაკეტეს გზა იმ შემთხვევაში, როდესაც [ტროტუარზე] ეტეოდნენ, ეს არის დარღვევა. ამაზეც ვთანხმდებით. რამდენადაც ვიცი, სწორედ ეს არის ვახო სანაიას წინააღმდეგ წარდგენილი პრეტენზია, რომ გზა გადაკეტა. კანონია, რომ გზა არ უნდა გადაიკეტოს, თუკი ადამიანებს შეუძლიათ საავტომობილო გზის მიმდებარე ტერიტორიაზე შეკრება. თუ არ არის საჭირო, არ უნდა გადაკეტონ. შესაბამისად, იქნება ეს ექიმი, ვექილი, ჟურნალისტი თუ სხვა, ამას კანონისთვის მნიშვნელობა არ აქვს. კანონი ვერ იქნება დისკრიმინაციული და ვერ გამოარჩევს, რომ მოდით, თუკი ადამიანი პროფესიით ჟურნალისტია მას ვაპატიოთ და თუ ინჟინერია, არ ვაპატიოთ“.
სიახლეები
- ყოვლადწმინდა სამების საპატრიარქო ტაძარში საქართველოს მართლმადიდებელი ეკლესიის გაფართოებულ კრებაზე საქართველოს 142-ე პატრიარქი აირჩიეს
- ,,დღეს ისტორიული მოვლენის წინაშე ვდგავართ, ყოვლადწმინდა სამების ამ დიდებულ ტაძარში შეკრებილნი სრულად ვართ მინდობილნი ღვთის განგებულებას"- მეუფე შიო
- ,,ღვთის განგებას ვერ გადავწყვეტ, როგორც უფალი განაგებს ისე იქნება"- მეუფე იოანე
- ,,მშვიდობა იზეიმებს და საქართველო გაიმარჯვებს" - მეუფე გრიგოლი
- სამეგრელოში უკანონო ცეცხლსასროლი იარაღები და საბრძოლო მასალა ამოიღეს
