“ევროკავშირის ელჩიც კი იყო ჩართული ჩვენი სუვერენიტეტის ხელყოფაში, არჩევნებში ჩარევის გზით” - შალვა პაპუაშვილი
,,რომელი ერთი დაგისახელოთ, როცა ევროკავშირის ელჩიც კი იყო ჩართული ჩვენი სუვერენიტეტის ხელყოფაში არჩევნებში ჩარევის გზით”, – ასე უპასუხა პარლამენტის თავმჯდომარემ, შალვა პაპუაშვილმა კითხვას – „რუსების გარდა კიდევ ვინ უქმნის ჩვენი ქვეყნის სუვერენიტეტს საფრთხეს?“.
„ისინი ვინც ქვეყნის შიდა საკითხებში ერევიან, მათ შორის ნახეთ რამდენიმე ევროპული ქვეყანა, რომელიც 2024 წელს ჩაერია არჩევნებში. ასევე ჩაერია, თავად ევროკავშირის მისი ელჩის სახით. ის აკეთებდა პოლიტიკურ კომენტარებს საარჩევნო კამპანიასთან დაკავშირებით. მარტივი მაგალითი რომ მოგიყვანოთ, მან შეაფასა ჩვენი საარჩევნო ბანერი და ამაზრზენი უწოდა მას. რა თქმა უნდა მას არავინ არ ეკითხება ჩვენი საარჩევნო ბანერი როგორი უნდა იყოს და როდესაც ის საუბრობს ერთი პარტიის ბანერზე და ერთი პარტიის საარჩევნო სტრატეგიაზე თუ ტაქტიკაზე, მაშინ ამ ყველაზე ისაუბროს და როდესაც, ის ერთზე საუბრობს, ნიშნავს რომ ის კამპანიაში არის ჩართული ამ ერთი პარტიის წინააღმდეგ. ასე რომ, რომელი ერთი დაგისახელოთ, როცა ევროკავშირის ელჩიც კი იყო ჩართული ჩვენი სუვერენიტეტის ხელყოფაში არჩევნებში ჩარევის გზით“, – განაცხადა პაპუაშვილმა.
სიახლეები
- საპატრიარქო განცხადებას ავრცელებს
- იმერეთში რძის გადამამუშავებელი არალეგალური საწარმოები გამოვლინდა
- ,,გლოვის დღეები ჰქონდა საქართველოს, ამიტომ არაფერი დავწერე, არადა ბევრი რამ მოხდა…” – ეკა კუპატაძე
- ნიუ-იორკის აეროპორტში სამგზავრო თვითმფრინავი შეეჯახა აეროპორტის სატრანსპორტო საშუალებას
- ისრაელმა თეირანში იერიშის ახალი ტალღა დაიწყო
