„სალომე ზურაბიშვილისგან განსხვავებით, ის ცდილობს, რომ როდესაც არის დაძაბულობის კერა, ამ კერაზე ზემოდან ნავთი კი არ დაასხას, შეეცადოს რომ დაძაბულობა გაიფანტოს. მე პატივს ვცემ მის ამ პოზიციას, ჩემთვის გასაგებიცაა და მისი როლი, ასეთიც უნდა იყოს. გამოეხმაურება თ არა მეორე მხარის რომელიმე წარმომადგენელი ამას, არ ვიცი, მაგრამ ფაქტია, რომ მათ ეს შესაძლებლობა აქვთ“, – აღნიშნა თეა წულუკიანმა.

4 ივლისს, საქართველოს პრეზიდენტმა მიმართვა გაავრცელა, რომელშიც მიხეილ ყაველაშვილი პატიმრობაში მყოფ პოლიტიკოსებს სთავაზობს შეწყალების შესახებ განცხადებით მიმართონ და თვითმმართველობის არჩევნებში მონაწილეობის სურვილი გამოთქვან. პრეზიდენტი პირობას დებს, რომ ამ შემთხვევაში, შეწყალების აქტს დაუყოვნებლივ გამოსცემს.