პრეზიდენტი ზელენსკი დღეს იმ ქვეყნის პირველი პირია, რომლის საზღვართან 125 000 რუსი სამხედრო იმყოფება, ასე რომ, დიახ, ის ნერვიულობს, – ამის შესახებ საფრანგეთის პრეზიდენტმა, ემანუელ მაკრონმა რუს კოლეგა ვლადიმერ პუტინთან ერთად გამართულ პრესკონფერენციაზე განაცხადა.
რუსეთის პრეზიდენტის, ვლადიმერ პუტინის განცხადებით, ფრანგ კოლეგასთან, ემანუელ მაკრონთან შეხვედრისას უსაფრთხოების გარანტიების საკითხები განიხილეს.
აშშ-ს ოფიციალური პირების განცხადებით, რუსეთს უკრაინაში სრული შეჭრისთვის საჭირო სამხედრო ძალის სულ მცირე 70% ადგილზე ჰყავს მობილიზებული და საზღვარზე ბატალიონის ტაქტიკურ ჯგუფებს აგზავნის. ამის შესახებ ინფორმაციას ამერიკული სხვადასხვა მედია საშუალებები აშშ-ის ორი ოფიციალური პირის განცხადებაზე დაყრდნობით ავრცელებენ.
ნატო ერთხმად მოუწოდებს რუსეთს დეესკალაციისკენ, – ამის შესახებ ნატო-ს გენერალურმა მდივანმა, იენს სტოლტენბერგმა ტელეკომპანია „ემესენბისის“ ეთერში განაცხადა.
რუსეთის პრეზიდენტმა ვლადიმერ პუტინმა და ჩინეთის ხელმძღვანელმა სი ძინპინმა ხელი მოაწერეს ერთობლივ განცხადებას საერთაშორისო ურთიერთობების ახალ ეპოქაში შესვლისა და გლობალური მდგრადი განვითარების თაობაზე. ამის შესახებ ინფორმაციას რუსული მედია კრემლზე დაყრდნობით ავრცელებს.
ჩინეთ-რუსეთის ურთიერთობის თემას ეხება გერმანული „დოიჩე ველეს“ (Deutsche Welle) ვებ-გვერდზე გამოქვეყნებული სტატია სათაურით „ვლადიმერ პუტინისა და სი ძინპინის შეხვედრა: უკრაინის კრიზისი რუსეთს ჩინეთთან „ჩახუტებისაკენ“ უბიძგებს“ (ავტორი - უილიამ იანი).
