პენტაგონის განცხადებით, სომალიში, აშშ-ის ძალებმა ტერორისტული დაჯგუფება „ალ-შაბაბის“ 13 მებრძოლი მოკლეს
პენტაგონის განცხადებით, სომალიში, ამერიკის შეერთებული შტატების ძალებმა საჰაერო იერიშის დროს ტერორისტული დაჯგუფება „ალ-შაბაბის“ 13 მებრძოლი მოკლეს. ინფორმაციას სააგენტო „ფრანს-პრესი“ ავრცელებს.
პირველადი შეფასებებით, განხორციელებული თავდასხმისას არცერთი მშვიდობიანი მოქალაქე არ დაშავებულა ან დაღუპულა.
პენტაგონის აფრიკის სარდლობის განცხადებაში ნათქვამია, რომ საჰაერო დარტყმა 14 აგვისტოს თედაანთან, მაშინ განხორციელდა, როდესაც „ალ-შაბაბის“ მებრძოლები თავს სომალის ეროვნული არმიის ძალებს ესხმოდნენ.
„აშშ-ს ძალები უფლებამოსილნი არიან დარტყმები განახორციელონ პარტნიორი ძალების დასაცავად“, - აღნიშნულია უწყების განცხადებაში.
ცნობისთვის, გასულ კვირას ამერიკულმა ძალებმა იერიშის დროს, იმავე რეგიონში „ალ-შაბაბის“ ოთხი წევრი მოკლეს.
\
შეგახსენებთ, მაისში, აშშ-ის პრეზიდენტმა ჯო ბაიდენმა სომალიში აშშ-ს ჯარების აღდგენის შესახებ ბრძანება გასცა, რათა ადგილობრივ ხელისუფლებას „ალ-შაბააბთან“ საბრძოლველად დაეხმაროს. ბაიდენმა აღნიშნული ნაბიჯით მისი წინამორბედის, დონალდ ტრამპის გადაწყვეტილება გააუქმა, რომელმაც სომალიდან აშშ-ს ძალების უმეტესობა გაიყვანა.
სიახლეები
- 18 მაისს, მუზეუმების საერთაშორისო დღესთან დაკავშირებით, ეროვნული მუზეუმის გაერთიანებაში შემავალ ყველა მუზეუმში შესვლა უფასო იქნება
- სტამბოლში ორი მიწისძვრა მოხდა
- პრემიერ-მინისტრი ირაკლი კობახიძე ევროპული საბჭოს პრეზიდენტის, ანტონიო კოშტას მიწვევით, ევროპული პოლიტიკური გაერთიანების სამიტში მონაწილეობს
- სტამბოლში რუსეთისა და უკრაინის დელეგაციებს შორის შეხვედრა მიმდინარეობს
- ,,ის, რომ ევროკავშირი დიდია და ჩვენ იქ გაწევრიანება გვსურს, არავის აძლევს უფლებას, აგვიკრძალოს, გავაკრიტიკოთ ის, რაც კრიტიკას იმსახურებს"- შალვა პაპუაშვილი
