ევროპული საბჭოს პრეზიდენტი შარლ მიშელი აცხადებს, რომ რუსეთიდან გაქცეული მოქალაქეებისთვის ევროკავშირის კარის გაღებას მხარს უჭერს. აღნიშნული განცხადება შარლ მიშელმა „პოლიტიკოსთან“ ინტერვიუში გააკეთა.
ირანში, ადამიანის უფლებათა ცენტრის ინფორმაციით, მასშტაბური საპროტესტო აქციების დროს, სულ მცირე, 36 ადამიანი დაიღუპა. ქვეყნის ხელისუფლება, თავის მხრივ, აცხადებს, რომ დაიღუპა 17 ადამიანი, მათ შორის უსაფრთხოების ხუთი თანამშრომელი.
უკრაინის არმიის "სამხრეთის" ოპერატიულმა სარდლობამ განაცხადა, რომ რუსულმა არმიამ ოდესაზე იერიში მიიტანა ირანული წარმოების თვითმკვლელი უპილოტო თვითმფრინავების გამოყენებით, რომლებიც ქალაქში ზღვიდან შეფრინდნენ.
ნატო-ს გენერალური მდივნის, იენს სტოლტენბერგის გაცხადებით, რუსეთმა იცის „მძიმე შედეგების“ შესახებ, რომლებიც უკრაინაში ატომური იარაღის გამოყენებას მოჰყვება.
55 ათასი რუსი სამხედრო დაიღუპა ამ ომში ნახევარი წლის განმავლობაში. ათი ათასობით დაჭრილია, უფრო მეტი გინდათ? არა? მაშინ გააპროტესტეთ. იბრძოლეთ. გაიქეცით. ან უკრაინას ჩაბარდით ტყვედ. ეს არჩევანი გაქვთ გადასარჩენად, – ეს უკრაინის პრეზიდენტის, ვოლოდიმირ ზელენსკის განცხადებაა, რომელიც რუსეთის მოსახლეობას მოუწოდებს, გააპროტესტონ ვლადიმერ პუტინის ბოლო გადაწყვეტილება მობილიზაციის შესახებ.
უკრაინის შეიარაღებული ძალების გენერალური შტაბის ცნობით, გასულ 24 საათში, რუსმა სამხედროებმა უკრაინის ტერიტორიაზე, სამხედრო და სამოქალაქო ობიექტებზე განახორციელეს 4 სარაკეტო და 27 საავიაციო დარტყმა და 75-ზე მეტი შეტევა ზალპური ცეცხლის რეაქტიული სისტემების გამოყენებით.
