“ახლა უკვე ევროკავშირმა, შეერთებული შტატების შემდეგ, რუსეთი დასავლეთის ქვეყნებში კორონავირუსთნ დაკავშირებით ყალბი ინფორმაციის გვრცელებაში დაადანაშაულა - ამის შესახებ “ფაინენშლ ტაიმზი” 16 მარტის ევროკავშირის დახურულ მოხსენებაზე დაყრდნობით წერს. დოკუმეტში ნათქვამია, რომ სავარაუდოდ, პრო-რუსულმა მედიამ ევროპულ საზოგადოებაში პანიკის და შიშის გასავრცელებლად დეზინფორმაციული კამპანია დაიწყო, ხოლო დეზინფორმაციის ყველაზე აქტიური გამავრცელებლები იმ სოციალური ქსელების ანგარიშებია, რომლებმაც ადრე სფრანგეთში “ყვითელჟილეტიანების” პროტესტის შესახებ დაწერეს, ახლა კი კორონავირუსზე დეზინფორმაციებს ინგლისურ, ესპანურ, იტალიურ, გერმანულ და ფრანგულ ენებზე აქვეყნებენ”, - წერს გაზეთი “რეზონანსი” სტატიაში სათაურით რუსეთი ევროპაში პანიკას თესავს - ევროკავშირის მოხსენებაში საუბარია, როგორ იყენებს კრემლი პანდემიას დეზინფორმაციის გასავრცელებლად.
ბელარუსის პრეზიდენტის, ალექსანდრე ლუკაშენკოს თქმით, კორონავირუსი ფსიქოზია და სხვა არაფერი. მისივე თქმით, თავადაც ბევრი ფსიქოზი გადაუტანია.
იტალიაში კორონავირუსით გარდაცვლილთა რაოდენობამ, ჩინეთში დაღუპულთა მონაცემს გადააჭარბა, საიდანაც ვირუსი თავდაპირველად გავრცელდა.
სოლიდარობის ნიშნად, რიო-დე-ჟანეიროს ქრისტეს ქანდაკება ყველა იმ ქვეყნის დროშის გამოსახულებით გაანათეს, სადაც ახალი კორონავირუსი გავრცელდა.
რუსეთის პრეზიდენტი, ვლადიმერ პუტინი არ ეთანხმება იმ ადამიანებს, რომლებიც მას მეფეს უწოდებენ. მისი თქმით, ის მეფე არ არის, რადგან მეფეები ბრძანებებს გასცემენ, ხოლო პრეზიდენტები ყოველ დღე მუშაობენ.
გერმანიის კანცლერმა, ანგელა მერკელმა ქვეყნის მოსახლეობას მოუწოდა სწორად შეაფასონ კორონავირუსით გამოწვეული საფრთხეები და ყველაფერი გააკეთონ, რომ მისი გავრცელება არ მოხდეს. მისი თქმით, მსგავსი გამოწვევის წინაშე გერმანია მეორე მსოფლიო ომის შემდეგ აღარ ყოფილა.
„მდგომარეობა სერიოზულია. სერიოზულად უნდა შეხედოთ. გერმანიის გაერთიანების შემდეგ, არა, მეორე მსოფლიო ომის შემდეგ ჩვენი სახელმწიფო ასეთი გამოწვევის წინაშე არ მდგარა, რომელსაც ასეთი დონის ერთიანობა დასჭირდებოდა”,-აღნიშნა მერკელმა.
მისივე თქმით, ამ საფრთხესთან ბრძოლაში ყველა მოქალაქემ უნდა მიიღოს მონაწილეობა.
„მე მართლა მჯერა, რომ ჩვენ ამ გამოწვევას წარმატებით გადავლახავთ. მინდა გითხრათ, რომ ჩვენ თქვენი დახმარებაც გვჭირდება. ყველამ ის უნდა გააკეთოს რაც შეუძლია. ჩვენ ვართ საზოგადოება, სადაც ყველა ადამიანის სიცოცხლე მნიშვნელოვანია“,-აღნიშნა კანცლერმა.
შეგახსენებთ, რომ ბოლო მონაცემებით, გერმანიაში კორონავირუსის 12 327 შემთხვევაა დაფიქსირებული, დაღუპულია 28 ადამიანი.
