სომხეთისა და აზერბაიჯანის თავდაცვის უწყებები ინტენსიური ბრძოლის და ზარალის შესახებ იუწყებიან
სხვადასხვა ინტენსივობის ბრძოლები გრძელდება, - ამის შესახებ სომხეთის თავდაცვის სამინისტროს პრესსპიკერმა შუშან სტეპანიანმა განაცხადა.
„სომხურმა დანაყოფებმა აზერბაიჯანის ძალების შეტევა მოიგერიეს და საწინააღმდეგო ზომები მიიღეს, რითაც მოწინააღმდეგეს დიდი ზარალი მიაყენეს როგორც ცოცხალი ძალის, ისე სამხედრო ტექნიკის მხრივ, კერძოდ, მათ ჯავშანტექნიკის შემტევი ჯგუფი გაანადგურეს,“- აღნიშნა სტეპანიანმა.
აზერბაიჯანის თავდაცვის უწყების ინფორმაციით კი, ინტენსიური ბრძოლა მთელი ღამის განმავლობაში გრძელდებოდა და სომხურ მხარეს მნიშვნელოვანი დანაკარგი აქვს.
„მტრის ერთი ტანკი, ერთი საბრძოლო მანქანა და 10 ჯარისკაცი, რომელიც ფუზული-ჯაბრაიის მიმართულებით გადაადგილებას ცდილობდა, საარტილერიო ცეცხლით განადგურდნენ. მტერმა დიდი ზარალი განიცადა“, - აცხადებენ აზერბაიჯანის თავდაცვის უწყებაში.
სიახლეები
- "სრულდება ეკლესიის რეიდერული მიტაცების მაფიოზური ოპერაცია" - მიხეილ სააკაშვილი
- “უწმინდესმა დალოცა საქართველო, დაგვლოცა ყველა, დაიძინა და... დადგა მომენტი, როცა მივხვდით, ღმერთთან აღარ უნდა გვებრძოლა” - ლაშა ჟვანია
- 28 მარტს ქუთაისში საგაზაფხულო აგრობაზარი გაიმართება
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
