რუსეთის არმია უკრაინის ქალაქების წინააღმდეგ მასშტაბურ სარაკეტო იერიშებს ახორციელებს, კიევში აფეთქებების ხმა ისმის, – ამის შესახებ ინფორმაციას უკრაინული მედია ავრცელებს.
რუსეთი შურისძიებისთვის ემზადება და ძალას იკრებს, არსებობს ბელარუსის ტერიტორიიდან რუსეთის სამხედრო ძალების შეტევის ალბათობა, – ამის შესახებ უკრაინის პრეზიდენტმა, ვოლოდიმირ ზელენსკიმ, ფინეთის პრეზიდენტთან, საული ნიინისტოსთან შეხვედრისას განაცხადა.
ერთ დღეში ორი მკვლელობა მოხდა ამერიკის კალიფორნიის შტატში. ქალაქ ჰაფ-მუნ-ბეიში ცეცხლსასროლი იარაღით შეიარაღებულმა კაცმა 7 ადამიანი მოკლა, 1 მძიმედ დაჭრა და დაახლოებით 2 საათის შემდეგ, პოლიციას თავად ჩაბარდა. ის 67 წლის ადგილობრივი მკვიდრი ჩჟაო ჩუნლია. დანაშაულის მოტივი ჯერჯერობით უცნობია.
უკრაინის პრეზიდენტის 23 იანვრის ბრძანებით, სანქცირებულთა ახალი 22-კაციანი სია გამოქვეყნდა, რომელშიც ერთი, წარმოშობით ქართველი რუსეთის მოქალაქე ვახტანგ ყიფშიძეა.
ირანში კვლავ დააკავეს მედიის წარმომადგენლები. როგორც გაზეთი „ეთამადი“ იტყობინება, სამი ჟურნალისტი ქალი თეირანში, ევინის ციხეში მოათავსეს.
ევროპული საბჭოს პრეზიდენტმა შარლ მიშელმა ევროკავშირის ქვეყნების ხელისუფლებებს კონსულტაციების გამართვისკენ მოუწოდა იმისთვის, რომ რუსეთის ცენტრალური ბანკისთვის ჩამორთმეული, 300 მილიარდი დოლარის ოდენობის ქონება გამოყენებულ იქნეს უკრაინის რეკონსტრუქციისთვის - იუწყება Financial Times-ი 23 იანვარს.
