ომის დაწყების შემდეგ რუსეთმა უკრაინაში 210 000 შენობა დაანგრია ან დააზიანა, – ამის შესახებ აღნიშნულია „ნიუ იორკ თაიმსის“ სტატიაში, რომელიც თანამგზავრებიდან გადაღებულ მასალებს ეყრდნობა.
გერმანია არ აპირებს უკრაინაში სამხედროების გაგზავნას, თუმცა გერმანიის არმია 2029 წლისთვის მზად უნდა იყოს ომისთვის, – ამის შესახებ გერმანიის თავდაცვის მინისტრმა, ბორის პისტორიუსმა განაცხადა.
ნიუ იორკში გაერო-ს გენერალურმა ასამბლეამ 78-ე სესიის ფარგლებში მიიღო საქართველოსა და მსოფლიოს სხვადასხვა რეგიონის 63 ქვეყნის მიერ ინიცირებული რეზოლუცია – „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ“. ინფორმაციას საქართველოს საგარეო საქმეთა სამინისტრო ავრცელებს.
უწყების ცნობით, რეზოლუციას 103-მა სახელმწიფომ დაუჭირა მხარი.
როგორც საგარეო უწყების ინფორმაციაშია აღნიშნული, საქართველო აღნიშნულ რეზოლუციას გაერო-ს გენერალურ ასამბლეაზე 2008 წლიდან წარადგენს.
10 წლის ისტორიის შესწავლის შემდეგ ხვდები, რომ არასდროს უნდა დაუშვა რუსეთის და ჩინეთის გაერთიანება, საშინელი რამ მოხდა, რუსეთი აიძულეს, ჩინეთის ხელში ჩავარდნილიყო, – ამის შესახებ აშშ-ის ყოფილმა პრეზიდენტმა, დონალდ ტრამპმა „ფოქს ნიუსთან“ ინტერვიუში განაცხადა.
საფრანგეთის პოლიცია იძიებს პარიზში მომხდარ ინციდენტს, რომელიც შესაძლოა, რუსეთის სპეცსამსახურების მიერ იყოს ორგანიზებული.
აშშ-ის სახელმწიფო დეპარტამენტის პრესსპიკერის, მეთიუ მილერის თქმით, მათი მხრიდან საქართველოში ინდივიდუალური სანქციები "ჯერ" არ გამოცხადებულა, თუმცა "არ იყოყმანებენ".
