ტეხასში 80-ს გადააჭარბა წყალდიდობის შედეგად დაღუპულთა რიცხვმა
სულ მცირე, 82 ადამიანი, მათ შორის 28 ბავშვი დაიღუპა ტეხასის შტატის ცენტრალურ ნაწილში 4 ივლისს დაწყებული წყალდიდობის შედეგად.
მეოთხე დღეა გრძელდება სამძებრო-სამაშველო ოპერაცია. შტატის ხელისუფლება ვარაუდობს, რომ დაღუპულთა რიცხვი გაიზრდება.
დაკარგულად ითვლება რამდენიმე ათეული ადამიანი, მათ შორის 10 ბავშვი.
დაკარგული და დაღუპული ბავშვები კერის ოლქში, მდინარე გუადალუპეს ნაპირზე მდებარე გოგონათა საზაფხულო ბანაკში, Camp Mystic-ში ისვენებდნენ. მდინარე კოკისპირული წვიმის შედეგად ადიდდა და კალაპოტიდან გადმოვიდა.
ტეხასის შტატის გუბერნატორმა გრეგ ებოტმა 6 ივლისს განაცხადა, რომ წვიმის გამო ზოგიერთ რაიონში ისევ არსებობს წყალმოვარდნების საფრთხე. ადგილობრივ მცხოვრებთ უსაფრთხო ადგილებში გადასვლისკენ მოუწოდეს.
ტელეკომპანია CNN-ის ცნობით, ხელისუფლება ტეხასის შტატის ცენტრალურ ნაწილში მდებარე კერის ოლქში ადრეული შეტყობინების სისტემის შექმნას აპირებდა, თუმცა გეგმა რეალიზებული არ ყოფილა.
ადგილობრივი ხელისუფლების წარმომადგენლები აცხადებენ, რომ წინასწარი ევაკუაცია არ ყოფილა, რადგან მეტეოსამსახური ამ რაოდენობის ნალექს არ პროგნოზირებდა. მათივე ცნობით, მდინარე გუადალუპეში წყლის დონემ საათზე ნაკლები დროის განმავლობაში თითქმის რვა მეტრით მოიმატა.
სიახლეები
- ”ანა წითლიძისგან მოვისმინეთ აღიარება, რომ მამუკა ხაზარაძე ჩემოდნებით დაატარებს „შავ ფულს“, რათა პოლიტიკოსები და ჟურნალისტები მოისყიდოს” – პაპუაშვილი
- “„ლელო“ ფულს იხდიდა, მათ შორის ჩვენც გვეუბნებოდნენ, ოღონდ თქვენ არ დაგვარტყათ და…” - ანი წითლიძე
- “მისი მდგომარეობა მძიმეა, მართვით სუნთქვაზე იმყოფება” - პირველი საუნივერსიტეტო კლინიკის კლინიკური დირექტორი თორნიკე რიჟვაძეზე
- “ევროკავშირის საელჩო დღესაც აფინანსებს ორგანიზაციებს, რომელთა გაცხადებული მიზანიც ადგილობრივი თვითმმართველობის არჩევნების ჩაშლაა” - შალვა პაპუაშვილი
- “მძიმე შემთხვევა არის, სწრაფ გამოჯანმრთელებას ვუსურვებ თორნიკეს; გამოძიება მიმდინარეობს, ყველა დეტალი გაირკვევა” – შალვა პაპუაშვილი
