რუსული მხარე დაღუპულთა ცხედრებს ყურადღებას არ აქცევს, რაც უკრაინის ეკოლოგიას დიდ საფრთხეს უქმნის. ამის შესახებ სუმის რეგიონის ჯანდაცვის დეპარტამენტის ხელმძღვანელმა, ანატოლი კოტლიარმა განაცხადა.
გერმანული გაზეთ „ველტი“ (Die Welt) ბეჭდავს სტატიას სათაურით „რუსეთის მმართველმა ელიტამ და ძალოვანმა სტრუქტურებმა ვლადიმერ პუტინი უნდა დაამხონ“, რომლის ავტორი ალფრედ მოზესი, აშშ-ის ყოფილი ელჩი რუმინეთში, მსჯელობს რუსეთის პრეზიდენტის ახლო გარემოცვაში შექმნილ სიტუაციაზე და ვარაუდობს, თუ რამდენად შესაძლებელია რუსეთში გადატრიალების მოწყობა ძალოვანი სტრუქტურების მონაწილეობით, ვლადიმერ პუტინის დამხობის მიზნით.
არ დავიღლებით, დავისვენებთ მაშინ, როცა გავიმარჯვებთ. ეს კი, ნამდვილად მოხდება, – ამის შესსახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა.
„ბიბისის“ ცნობით, ბირთვულ იარაღთან დაკავშირებით რუსეთის პრეზიდენტის პრესმდივნის, დიმიტრი პესკოვის მიერ გაკეთებულ განცხადებას სახიფათოს უწოდებენ პენტაგონში. პენტაგონის პრესსპიკერის, ჯონ კირბის თქმით, ეს არ არის ის, როგორც პასუხისმგებლიანი ბირთვული ძალა უნდა მოქმედებდეს.
აშშ-ის პრეზიდენტმა, ჯო ბაიდენმა დაადასტურა, რომ რუსეთმა უკრაინაში ზებგერითი რაკეტები გამოიყენა.
უკრაინაში რუსეთის შეჭრის შედეგად, სულ მცირე 1,5 მილიონი ბავშვი ლტოლვილი გახდა, - ამის შესახებ გაეროს ბავშვთა ფონდის წარმომადგენელმა ჯო ინგლიშმა CNN-ს განუცხადა.
