რუსეთის წინააღმდეგ დაწესებული სანქციები მუშაობს, თუმცა სანქციები პანაცეა არ არის და ომს მხოლოდ სანქციები ვერ შეაჩერებს, – ამის შესახებ ევროკავშირის საგარეო ქმედებათა სამსახურის ხელმძღვანელმა, ჯოზეფ ბორელმა განაცხადა.
შეერთებული შტატები და მისი ნატოელი მოკავშირეები ცდილობენ რუსეთზე გამარჯვება ბრძოლის ველზე მოიპოვონ, რათა ჩვენი ქვეყანა გაანადგურონ, - ამის შესახებ რუსეთის საგარეო საქმეთა მინისტრმა სერგეი ლავროვმა გამოცემა TASS-სთან ინტერვიუში განაცხადა.
თურქულმა საძიებო-საბურღმა გემმა "ფათიჰმა" შავი ზღვის Chaycuma-1-ს ბლოკში, 3000 მეტრის სიღრმეზე 58 მილიარდი კუბური მეტრი ბუნებრივი აირის მარაგი აღმოაჩინა, - ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.
კოსოვოს ჩრდილოეთ ნაწილში არსებული დაძაბულობის გამო, სერბეთმა შეიარაღებულ ძალებში საბრძოლო მზადყოფნა გამოაცხადა. ამის შესახებ ინფორმაციას სერბეთის თავდაცვის მინისტრი მილოშ ვუჩევიჩი ავრცელებს.
შობის ღამეს, როცა უკრაინელი კათოლიკეები დღესასწაულის აღსანიშნავად ლვოვის ლათინურ საკათედრო ტაძარში შეიკრიბნენ, ელექტროენერგია გათიშული იყო. სამწუხაროდ, შობის მეორე დღეს, მაცხოვრებლები კვლავ საჰაერო თავდასხმის განგაშის ხმამ გააღვიძა. რუსეთი დღესასწაულის დროსაც განაგრძობდა უკრაინის სამოქალაქო ცენტრების დაბომბვას. შობის ღამეს, ხერსონში, თავდასხმის შედეგად 10 ადამიანი დაიღუპა.
ვლადიმერ პუტინმა სამხედრო ინდუსტრიულ კომისიაში (MIC) უშიშროების საბჭოს თავმჯდომარის მოადგილე დიმიტრი მედვედევი შეიყვანა. შესაბამისი განკარგულება იურიდიული ინფორმაციის ოფიციალურ პორტალზე გამოქვეყნდა.
