ამის შესახებ ფრანგული გამოცემა Le Parisien წერს.

გამოცემის ცნობით, ეჭვმიტანილი მამაკაცი 6 ნოემბერს, საკუთარ სახლში დააკავეს. მასთან ერთად დაპატიმრებულია მისი მეუღლეც, რომელიც რუსეთის 35 წლის მოქალაქეა.

გაზეთის ცნობით, ეჭვმიტანილმა დანაშაული აღიარა. მან დაკითხვაზე განაცხადა, რომ დანაშაული შურისძიების ნიადაგზე ჩაიდინა, ვინაიდან ეჭვი ჰქონდა, რომ მეუღლე მღვდელთან ღალატობდა. ბრალდებულის თქმით, მღვდლის მოკვლა წინასწარ განზრახული არ ჰქონდა. სამართალდამცველებისთვის მიწოდებული ინფორმაციის მიხედვით, დანაშაულის ჩადენის შემდეგ იარაღი მდინარე სონაში ჩააგდო.

ლიონის პროკურორმა დაადასტურა, რომ ეჭვმიტანილის მეუღლეს დაზარალებულ მღვდელთან ურთიერთობა ნამდვილად ჰქონდა. თავად მღვდელი კომიდან ცოტახნის წინ გამოვიდა და დამნაშავის ამოცნობა შეძლო.

გამოცემის ცნობით, საქართველოს მოქალაქე აქამდე მართვის მოწმობის გარეშე მანქანის მართვისა და იარაღის უკანონო შენახვის გამო იყო ნასამართლევი. ჩხრეკის დროს მის სახლში კიდევ ერთი იარაღი აღმოაჩინეს.

ხოლო, ბერძნული კათოლიკური ეკლესიის მღვდელის მიმართ გამოძიება მიდინარეობს. მას მღვდელმსახურება დროებით შეუჩერდა.

ცნობისთვის, 31 ოქტომბერს, საფრანგეთში, ქალაქ ლიონში, ბერძნული ეკლესიის მახლობლად მომხდარი სროლის შედეგად მართლმადიდებელი მღვდელი დაიჭრა.