მუშაობას წყვეტს: სავაჭრო ცენტრები, მაღაზიები, სადაც პირველადი მოხმარების ნივთები არ იყიდება, სპორტული დარბაზები, აუზები, სასტუმროები, პლიაჟები, სილამაზის სალონები და ბარბერ-შოპები. შეზღუდვები ეხება რესტორნებსაც, რომლებიც მხოლოდ სახლში მიტანის სერვისით იმუშავებს.

შეზღუდულია ქალაქებს შორის მიმოსვლა. მოქალაქეებს სახლიდან 500 მეტრის მოშორებით გადაადგილება ეკრძალება. საზოგადოებრივ ტრანსპორტში მგზავრების რიცხვი ორჯერ შემცირდება.

სკოლებმა და საბავშვო ბაღებმა მუშაობა 17 სექტემბერს შეაჩერეს.

ამასთან, შეზღუდვები არ ეხება საჰაერო მიმოსვლას, თუმცა ბენ-გურიონის აეროპორტი მიიღებს მხოლოდ იმ რეისებს, რომლებმაც შესაბამისი ნებართვა მიიღეს. მგზავრებს, რომლებიც საზღვარგარეთ მიემართებიან, ტერმინალში გაფრენამდე 4 საათით ადრე გამოცხადება მოუწევთ.

სახელმწიფო და კერძო კომპანიები ჯანდაცვის უწყებების რეკომენდაციების დაცვით მუშაობს, თუმცა ვიზიტორთა მიღება იკრძალება. ამასთან, სახელმწიფო უწყებების ნაწილი დისტანციურ რეჟიმზე გადადის.

ჩვეულ რეჟიმში მუშაობას აგრძელებს პოლიკლინიკები, აფთიაქები და სამედიცინო ლაბორატორიები.