ამის შესახებ The Independent წერს.

დორისის თქმით, ინციდენტი 1997 წელს, ჩოგბურთის ტურნირ "US Open-ის" დროს მოხდა. მოდელი ამტკიცებს, რომ ტრამპი მას საპირფარეშოსთან დაესხა თავს, რომელიც მის VIP-ლოჟასთან მდებარეობდა. მაშინ დორისი 24 წლის იყო.

"მან უბრალოდ ხახაში ენა შემიყო და მე მას ხელი ვკარი. შემდეგ მისი ქმედებები უფრო მძლავრი გახდა, მან უკანალზე, მკერდზე, ზურგზე, ყველაფერზე მომითათუნა ხელი", - ამბობს დორისი.

მოდელის თქმით, ის ტრამპის მკლავებიდან გათავისუფლებას ვერ ახერხებდა.

"არ ვიცი, რა ჰქვია იმას, როდესაც შენ ვიღაცას ენას ხახაში უყოფ. მე ის კბილებით გამოვაგდე. ვაწვებოდი. მგონი, ენაც კი დავუზიანე", - იხსენებს მოდელი.

თავად აშშ-ის პრეზიდენტი, დონალდ ტრამპი ბრალდებებს უარყოფს, მისი ადვოკატები კი აცხადებენ, რომ ის ყოფილ მოდელს არასოდეს სდევნიდა, აყენებდა შეურაცხყოფას და იქცეოდა შეუსაბამოდ.