დოკუმენტში აღნიშნულია, რომ COVID-19 ორგანიზაციის ისტორიაში ერთ-ერთი უდიდესი გამოწვევაა. ამის შესახებ ინფორმაციას The Washington Post ავრცელებს.

რეზოლუციას 169 სახელმწიფომ დაუჭირა მხარი. აშშ და ისრაელი წინააღმდეგი იყვნენ, უკრაინამ და უნგრეთმა კი თავი შეიკავეს.

ორგანიზაციის განცხადებით, პანდემიას აქვს დამანგრეველი გავლენა საზოგადოების, ეკონომიკის, დასაქმების, მსოფლიო ვაჭრობის, მოგზაურობის, სოფლის მეურნეობის, მრეწველობისა და კომერციის კუთხით.გენერალური ასამბლეის განცხადებაში აღნიშნული, რომ პანდემიის შედეგები გაცილებით რთულია ქალთა, მოხუცთა, ახალგაზრდებისა და ბავშვების, ღარიბთა და სოციალურად დაუცველთა სიცოცხლისთვის. ამავდროულად, რეზოლუციის თანახმად, გაერო ღრმა შეშფოთებას გამოხატავს ბოლო პერიოდის განმავლობაში, პანდემიასთან დაკავშირებული დისკრიმინაციის, სიძულვილის, რასიზმისა და ქსენოფობიის ზრდის გამო. 

ორგანიზაცია ქვეყნების მთავრობებსა და სამოქალაქო საზოგადოებებს,  ჯანმრთელობისა და სოციალური დახმარების სისტემების გაძლიერებისაკენ მოუწოდებს, რათა მოქალაქეებმა მაღალი ხარისხის, უსაფრთხო, ეფექტური და ხელმისაწვდომი დიაგნოსტიკა, სამკურნალო საშუალებები, წამლები და ვაქცინები დროულად მიიღონ.