გერმანიაში კარანტინში მყოფ პირებსა და პოლიციას შორის დაპირისპირება მოხდა
გერმანიაში, პოლიციელებსა და ქალაქ გიოტინგენში საკარანტინო კომპლექსში მყოფ მოქალაქეებს შორის დაპირისპირება მოხდა, რის შედეგადაც რამდენიმე ოფიცერი დაშავდა.
ამის შესახებ Deutsche Welle იუწყება.
გამოცემის ცნობით, საცხოვრებელ კომპლექსში მცხოვრები 120 ადამიანი ახალი ტიპის კორონავირუსით არის ინფიცირებული, რის გამოც, 18 ივნისს ადგილობრივმა ხელისუფლებამ მთლიანი საცხოვრებელი კომპლექსი ჩაკეტა და მის მცხოვრებ 700 მკვიდრს ტერიტორიის დატოვება აუკრძალა.
მაცხოვრებლებმა კომპლექსის ფანჯრებიდან პოლიციელებს ქვები, საბურავები და კომპიუტერები დაუშინეს. რამდენიმე პირმა ტერიტორიის გარშემო აღმართული რკინის გალავნის ჩამოშლა სცადა.
პოლიციამ არეულობის ჩასახშობად ცრემლსადენი გაზი გამოიყენა.
გავრცელებული ინფორმაციით, მთლიანი საცხოვრებელი კორპუსი 25 ივნისამდე ჩაკეტილი იქნება.
ქალაქის ოფიციალურმა პირებმა აღნიშნეს, რომ მაცხოვრებლები შინ უნდა დარჩნენ, რათა თავიდან აიცილონ ვირუსის შემდგომი გავრცელება.
სიახლეები
- რუსეთის ჯარებმა ზაპოროჟიეს ოლქში ტურისტული ბაზა დაბომბეს, არის მსხვერპლი
- ხელვაჩაურში 21 წლის ნასვამმა მამაკაცმა თანატოლი დანით დაჭრა და შემთხვევის ადგილიდან მიიმალა – შსს-ს მიერ დაკავებულ პირს 7 წლამდე პატიმრობა ემუქრება
- აშშ-ის სპეციალური წარმომადგენელი სტივ უიტკოფი მოსკოვში ჩავიდა
- “დღეიდან წინასაარჩევნო კამპანიის წარმოების წესები ამოქმედდა - 4 ოქტომბერს გაიხსნება 3051 საარჩევნო უბანი, რომელთაგან 2284 უბანზე კენჭისყრა ელექტრონული, ხოლო 767 უბანზე ტრადიციული წესით ჩატარდება” - ცესკო
- “საქართველოს ხედვა ნათელია, არ ვცდილობთ მხოლოდ ჰაბი გავხდეთ, ჩვენი მიზანია ვიყოთ მრავალფუნქციური, მრავალმიმართულებიანი ჰაბი კონტინენტების, ბაზრების, ერებისა და იდეების დამაკავშირებელი” - ირაკლი კობახიძე
