ამის შესახებ ჟურნალი Nature წერს.

გამოცემის ინფორმაციით, 4000 მეტი მეცნიერი უერთდება მოწოდებას "გაფიცვა შავკანიანთა სიცოცხლისთვის" და 10 ივნისს სამეცნიერო საქმიანობას აჩერებს.

"ჩვენ იმედი გვაქვს, რომ ცალკეული მეცნიერები, აკადემიკოსები და ყველა დანარჩენი ამ დღეს შავკანიანთა მხარდასაჭერად გამოიყენებს", - განაცხადა საპროტესტო ჯგუფის კოორდინატორმა, ილინოისის შტატის ჩიკაგოს უნივერსიტეტის ასტროფიზიკოსმა, ბრაიან ნორდმა.

ჟურნალი Nature აღნიშნავს, რომ უამრავმა მეცნიერმა მხარი დაუჭირა პროტესტს აშშ-ში, რომელიც პოლიციის ძალადობის შედეგად გარდაცვლილი ჯორჯ ფლოიდის პატივსაცემად იმართება. საპროტესტო ტალღაც თავად გამოცემაც შეუერთდა და პუბლიკაციებისთვის შექმნა ჰეშტეგები #Strike4BlackLives, #ShutDownSTEM და #ShutDownAcademia.