15 ივნისიდან საბერძნეთი საზღვრებს 29 ქვეყნის მოქალაქეებისთვის გახსნის
15 ივნისიდან საბერძნეთი საზღვრებს 29 ქვეყნის მოქალაქეებისთვის გახსნის.
ინფორმაციას BBC საბერძნეთის ტურიზმის სამინისტროზე დაყრდნობით ავრცელებს. როგორც ცნობილია, 15 ივნისიდან საბერძნეთში ჩასვლა ტურისტებს ევროკავშირის ქვეყნების უმეტესობიდან, მათ შორის გერმანიიდან, ავსტრიიდან, დანიიდან და ფინეთიდან, შეეძლებათ. თუმცა, ევროპის ის ქვეყნები, რომლებიც კორონავირუსმა ყველაზე მეტად დააზარალა, სიაში ნახსენები არაა.
აღსანიშნავია, რომ სიაში ევროკავშირის ქვეყნების გარდა ჩინეთი, იაპონია, ავსტრალია, ახალი ზელანდია, სამხრეთ კორეა, ისრაელი და ლიბანი მოხვდნენ. საბერძნეთის ტურიზმის სამინისტროს განცხადებით, 1-ელი ივლისიდან ამ სიას კიდევ არაერთი ქვეყანა დაემატება, რაც მომდევნო დღეების განმავლობაში კორონავირუსის გავრცელებაზეა დამოკიდებული. როგორც ცნობილია, 15 ივნისიდან ქვეყნის მასშტაბით მხოლოდ ათენისა და სალონიკის აეროპორტები იმუშავებენ.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
