„ჩვენ ვიცავთ ესტრადას დოქტრინას და იმას, რასაც ის წარმოადგენს ჩვენი ქვეყნის საგარეო პოლიტიკისთვის, რაც კონსტიტუციაშია ასახული: ის ეწინააღმდეგება ინტერვენციებს და მხარს უჭერს ნებისმიერი კონფლიქტის მშვიდობიან მოგვარებას. ასევე, გაერო-ს წესდების მე-2 მუხლი ნათლად ადგენს, რომ არ უნდა იყოს სამხედრო ჩარევა, არამედ უნდა იყოს მრავალმხრივი გადაწყვეტა გაერო-ს ფარგლებში. ეს არის ჩვენი პოზიცია და სწორედ ამიტომ ვგმობთ ამ ინტერვენციას ვენესუელაში“, – აცხადებს კლაუდია შეინბაუმი.

მექსიკის პრეზიდენტის თქმით, ქვეყნებს შორის ურთიერთობებში მნიშვნელოვანია თანამშრომლობა და კოორდინაცია, მაგრამ არა დაქვემდებარება.

შეგახსენებთ, აშშ-ის პრეზიდენტმა, დონალდ ტრამპმა განაცხადა, რომ ამერიკელმა სამხედროებმა ვენესუელის ლიდერი ნიკოლას მადურო მეუღლესთან ერთად დააკავეს და ქვეყნიდან გაიყვანეს.