ტრამპი გამოვიდა მუქარით, რომ იმ დისპეტჩერებს, რომლებიც სამუშაოს არ დაუბრუნდებიან, ხელფასები შეუმცირდებათ. ამასთან, ტრამპის თქმით, 10 000 დოლარის ოდენობის ჯილდოს მიიღებენ ის თანამშრომლები, რომლებსაც 41-დღიანი ,,შატდაუნის" განმავლობაში სამუშაო არ დაუტოვებიათ - დანარჩენებს კი შეუძლიათ სამსახურიდან წავიდნენ.

აშშ-ის ფედერალური უწყებები ამ, „შატდაუნად“ წოდებულ მდგომარეობაში აღმოჩნდნენ 1 ოქტომბერს - მას შემდეგ, რაც ახალი საფინანსო წლის დაწყებამდე სენატმა ვერ შეძლო მიეღო კანონპროექტი მათი დაფინანსების შესახებ.

მიმდინარე ,,შატდაუნი" აღმოჩნდა ყველაზე ხანგრძლივი აშშ-ის ისტორიაში. მის გამო 13 000 ავიადისპეტჩერს და სატრანსპორტო უსაფრთხოების სააგენტოს 50 000 თანამშრომელს უხელფასოდ უწევდათ მუშაობა. მათი ნაწილი სამსახურში არ დადის.

10 ნოემბერს სენატში მიაღწიეს შეთანხმებას, რომელმაც "შატდაუნი" უნდა დაასრულოს.