კრამატორსკში დაიღუპნენ უკრაინელი ჟურნალისტი და ტელეოპერატორი
უკრაინის დონეცკის ოლქის ქალაქ კრამატორსკში დაიღუპნენ უკრაინული ტელეარხის, Freedom-ის ჟურნალისტი ალიონა გრამოვა(გუბანოვა) და ოპერატორი ევგენ კარმაზინი. ისინი აქტიური საბრძოლო მოქმედებების ზონაში მუშაობდნენ.
Freedom-ის ინფორმაციით, გადამღები ჯგუფი რუსული დრონით, „ლანცეტით“ დარტყმის ქვეშ აღმოჩნდა.
დრონით შეტევის დროს ჟურნალისტი და ოპერატორი ბენზინგასამართ სადგურზე ავტომობილში იმყოფებოდენ. დაჭრილია სპეციალური კორესპონდენტი ოლექსანდრ კოლიჩევი, რომელიც საავადმყოფოში გადაიყვანეს.
კრამატორსკი დონეცკის ოლქის იმ ნაწილშია, რომელსაც უკრაინის ხელისუფლება აკონტროლებს. ქალაქი რუსეთის ჯარების მუდმივი შეტევის ქვეშაა.
უკრაინაში რუსეთის არმიის ფართომასშტაბიანი შეჭრის შემდეგ, 2022 წლის თებერვლიდან უკრაინაში დაღუპულია მედიის 100-ზე მეტი წარმომადგენელი.
სიახლეები
- დაკავებულია „ქურდულ სამყაროსთან” კავშირში მყოფი 45 პირი
- მეცნიერებმა კიბოს ყველაზე აგრესიული ტიპის კვლევაში მნიშვნელოვანი შედეგები მიიღეს
- აჭარაში პოლიციამ განსაკუთრებით დიდი ოდენობით – 55 შეკვრა ნარკოტიკი ამოიღო
- მიგრაციის დეპარტამენტის თანამშრომლებმა უცხო ქვეყნის 57 მოქალაქე საქართველოდან გააძევეს
- რუსეთის ჯარებმა კიევს ისევ დაარტყეს
