უკრაინაში მსხვერპლი მოჰყვა რუსეთის ჯარების მორიგ შეტევას
რუსეთის ჯარებმა უკრაინაზე მორიგი მასირებული შეტევა მიიტანეს. კიევის და სუმის ოლქებიდან დრონებით დარტყმის შესახებ იუწყებიან, ხოლო ზაპოროჟიეს ოლქიდან - ავიაბომბებით. არის მსხვერპლი.
ზაპოროჟიეს საოლქო-სამხედრო ადმინისტრაციის ხელმძღვანელ ივან ფიოდოროვის ინფორმაციით, 22 სექტემბერს, გამთენიისას იყო სულ მცირე ხუთი ავიაბომბით დარტყმა, რის შედეგადაც ორი ადამიანი დაიღუპა და ორი დაიჭრა. რამდენიმე რაიონში ხანძრები გაჩნდა. დანგრეული, ან დაზიანებულია 20-ზე მეტი სახლი.
დილის ცხრა საათისთვის ფიოდოროვის ტელეგრამ-არხზე გამოქვეყნდა ცნობა, რომ მაშველებმა ნანგრევებში იპოვეს 75 წლის ქალის ცხედარი. დაღუპულთა რიცხვი სამამდე გაიზარდა.
კიევის საოლქო-სამხედრო ადმინისტრაციის ხელმძღვანელ მიკოლა კალაშნიკის ტელეგრამ-არხზე დილის ექვსი საათისთვის გამოქვეყნებული ინფორმაციით, ბორისპოლის რაიონში ერთი ადამიანი დაიჭრა. ამავე რაიონში ხანძრები გაჩნდა რამდენიმე სახლში. კერძო სახლი დაიწვა ფასტოვის რაიონშიც.
ქალაქ სუმის მერის მოვალეობის შემსრულებლის, არტიომ კობზარის ცნობით, დრონებით დარტყმა იყო სამრეწველო ობიექტებსა და სასწავლო დაწესებულებაზე. დაზიანებულია სახლებიც. სუმიში ერთი ადმიანი დაიჭრა.
სიახლეები
- “პარტიულ საქმიანობაში ჩართული არ არის” - შალვა პაპუაშვილი გომელაურზე
- “თბილისის ყველა საარჩევნო უბანზე დავამონტაჟებთ ვიდეოკამერებს - აბა, გაბედოს ვინმემ, რომ სხვადასხვა უბანზე შევიდეს, ან შევიდეს სადაც რეგისტრირებული არ არის - სისხლის სამართლის ბრალდებით დაისჯებიან” - ირაკლი კუპრაძე
- “ემანუელ მაკრონის მიერ აშშ-ის ელჩის საფრანგეთის შიდა საქმეებში ჩარევაში დადანაშაულება ჩვეულებრივი ორმაგი სტანდარტია” - კახა კალაძე
- “ევროკავშირის ელჩიც კი იყო ჩართული ჩვენი სუვერენიტეტის ხელყოფაში, არჩევნებში ჩარევის გზით” - შალვა პაპუაშვილი
- “სააკაშვილმა და მისმა თანაგუნდელებმა, რომლებიც ხელისუფლებაში იყვნენ და იქ გამდიდრდნენ, ზოგმა მოიხადა სასჯელი, მაგრამ ისევ ფუფუნებაში არიან, რაც იმას ნიშნავს, რომ შესაძლოა ფული სადღაც ჰქონდათ გადამალული” - შალვა პაპუაშვილი
