“ჩარლი კირკის დაკარგვა დიდი დანაკლისია” - ტრამპი
ჩემი ადმინისტრაცია იპოვის ყველას და თითოეულ მათგანს, ვინც წვლილი შეიტანა ამ სისასტიკეში და სხვა პოლიტიკურ ძალადობაში,- ასე გამოეხმაურა ამერიკის პრეზიდენტი, დონალდ ტრამპი კონსერვატორი აქტივისტის, ჩარლი კირკის გარდაცვალებას, რომელიც იუტას შტატში, კოლეჯის კამპუსში გამართულ ღონისძიებაზე გამოსვლისას სასიკვდილოდ დაჭრეს.
მისი თქმით, კირკის დაკარგვა დიდი დანაკლისია კონსერვატიული მოძრაობისთვის.
“დიდი და ლეგენდარული ჩარლი კირკი გარდაიცვალა. ამერიკის შეერთებულ შტატებში ახალგაზრდების გული ჩარლიზე უკეთ არავის ესმოდა. ის ყველას უყვარდა, განსაკუთრებით მე და ახლა ის ჩვენთან აღარ არის. მელანიასა და ჩემი სამძიმარი მის მშვენიერ მეუღლეს, ერიკას და ოჯახს. ჩარლი, გვიყვარხარ!”,- დაწერა ტრამპმა სოციალურ ქსელში.
პრეზიდენტმა განაცხადა, რომ „რადიკალური მემარცხენეების“ რიტორიკამ ხელი შეუწყო მისი ახლო მოკავშირის, ჩარლი კირკის მკვლელობას და პირობა დადო, რომ იპოვის პოლიტიკურ ძალადობაში პასუხისმგებელ პირებს, ასევე „ორგანიზაციებს, რომლებიც აფინანსებენ და მხარს უჭერენ მას“.
ამერიკის პრეზიდენტის გადაწყვეტილებით, კირკის გარდაცვალებასთან დაკავშირებით, ქვეყანაში სახელმწიფო დროშები დაეშვა.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
