“სამშვიდობო შეთანხმების ფარგლებში, ათამდე ქვეყანა უკრაინაში ჯარების განთავსებისთვის მზადაა” - მედია
სააგენტო Bloomberg-ის ინფორმაციით, დაახლოებით ათამდე ქვეყანა მზადაა, საერთაშორისო უსაფრთხოების გარანტიების ფარგლებში უკრაინაში ჯარი გაგზავნოს.
მედიის ცნობით, ეს ნაბიჯი პოტენციური მშვიდობის შეთანხმებისა და ცეცხლის შეწყვეტის დადების პირობებში განიხილება.
როგორც “ბლუმბერგი” აღნიშნავს, ევროპელი ლიდერები ცდილობენ, ვლადიმერ პუტინისა და ვოლოდიმირ ზელენსკის შესაძლო შეხვედრის წინ, კიევი უფრო ძლიერ პოზიციაზე დააყენონ.
„ბლუმბერგის“ წყაროებმა დასძინეს, რომ შემოთავაზებული დახმარების პაკეტის პირველი ფაზა ფოკუსირებული იქნება უკრაინის სამხედრო ძალების გაძლიერებაზე წვრთნებისა და პერსონალის გაძლიერების გზით. ამას უზრუნველყოფს მრავალეროვნული ჯგუფი, რომელიც ძირითადად ევროპული ჯარებისგან შედგება, ხოლო დიდი ბრიტანეთი და საფრანგეთი უკრაინაში ასობით ჯარისკაცს გაგზავნიან, რომლებიც ფრონტის ხაზებიდან მოშორებით იქნებიან განლაგებულნი.
შეგახსენებთ, დონალდ ტრამპმა გამორიცხა უკრაინაში ამერიკელი სამხედროების განთავსება, თუმცა თქვა, რომ ამის სურვილი რამდენიმე ევროპულმა ქვეყანამ გამოთქვა და ამას არ ეწინააღმდეგება. ტრამპის განცხადებით, აშშ-მა შესაძლოა, უკრაინას საჰაერო საშუალებებით გაუწიოს მხარდაჭერა.
სიახლეები
- ყოვლადწმინდა სამების საპატრიარქო ტაძარში საქართველოს მართლმადიდებელი ეკლესიის გაფართოებულ კრებაზე საქართველოს 142-ე პატრიარქი აირჩიეს
- ,,დღეს ისტორიული მოვლენის წინაშე ვდგავართ, ყოვლადწმინდა სამების ამ დიდებულ ტაძარში შეკრებილნი სრულად ვართ მინდობილნი ღვთის განგებულებას"- მეუფე შიო
- ,,ღვთის განგებას ვერ გადავწყვეტ, როგორც უფალი განაგებს ისე იქნება"- მეუფე იოანე
- ,,მშვიდობა იზეიმებს და საქართველო გაიმარჯვებს" - მეუფე გრიგოლი
- სამეგრელოში უკანონო ცეცხლსასროლი იარაღები და საბრძოლო მასალა ამოიღეს
