როგორც უკრაინული მედია WP Wiadomości-ზე დაყრდნობით იუწყება, ამის შესახებ ორბანმა პოლონურ ტელეარხ wPolsce24-თან ინტერვიუში განაცხადა.

უკრაინის წინააღმდეგ რუსეთის აგრესიაზე საუბრისას, უნგრეთის პრემიერ-მინისტრმა მას „დასავლეთსა და რუსეთს შორის ომი“ უწოდა და განაცხადა, რომ ის ლიდერების – დონალდ ტრამპსა და ვლადიმერ პუტინს შორის შეხვედრის გარეშე არ დასრულდება.

ამავდროულად, ორბანმა თქვა, რომ საერთაშორისო ურთიერთობებში იგი პატივისცემის პრინციპით ხელმძღვანელობს და იგივე ეხება უკრაინას და მის პრეზიდენტს, ვოლოდიმირ ზელენსკის.

„ის უკრაინის პრეზიდენტია, რომელიც უკრაინელებმა აირჩიეს. მე ყოველთვის ვცდილობ, სწორად მოვიქცე, რაც აუცილებელია, თუ კარგი ურთიერთობები გინდა. ამიტომ, პატივს ვცემ პრეზიდენტ ზელენსკის, მაგრამ ვფიქრობ, რომ მან შეცდომები დაუშვა“, – დასძინა მან.