ტრამპი აცხადებს, რომ მზადაა, პუტინის 50-დღიანი ულტიმატუმი შეამციროს
აშშ-ის პრეზიდენტმა, დონალდ ტრამპმა განაცხადა, რომ ის გეგმავს, კრემლის ლიდერის, ვლადიმერ პუტინისთვის უკრაინასთან ცეცხლის შეწყვეტის შესახებ მოლაპარაკებებისთვის მიცემული ვადა შეამციროს.
ამერიკელმა ლიდერმა კიდევ ერთხელ აღნიშნა, რომ პუტინით ძალიან იმედგაცრუებულია.
„ჩვენ გვქონდა დისკუსიები და ვფიქრობდით, რომ არაერთხელ მივაღწიეთ რაიმე სახის გადაწყვეტილებას. შემდეგ კი პუტინი გამოდის და იწყებს რაკეტების გაშვებას უკრაინის ქალაქებში, რასაც უამრავი ადამიანის სიცოცხლე ემსხვერპლა და მე ვამბობ: ამის გაკეთება არ შეიძლება. ასე რომ, ვნახოთ, რა გამოვა აქედან“, – აღნიშნა აშშ-ის პრეზიდენტმა.
ტრამპმა ასევე დასძინა, რომ კრემლის ლიდერისთვის წაყენებულ 50-დღიან ულტიმატუმს გადახედავდა.
შეგახსენებთ, ივლისის შუა რიცხვებში ტრამპმა რუსეთს უკრაინის წინააღმდეგ ომში მშვიდობის ან ცეცხლის შეწყვეტის შესახებ შეთანხმების მისაღწევად 50-დღიანი ვადა მისცა. წინააღმდეგ შემთხვევაში, მოსკოვს ახალი სანქციები ემუქრება. უპირველეს ყოვლისა, საუბარია მაღალი გადასახადებისა და მეორადი სანქციების შემოღებაზე.
სიახლეები
- ქუთაისში, პარლამენტის ყოფილი შენობის მიმდებარედ თანამედროვე მრავალფუნქციური პარკი მოეწყობა
- “ასეთ რა ჰონორარებს იღებს მისი ოჯახი; ასეთი ჩარიცხვები ხშირად ემთხვევა რადიკალური ოპოზიციის მიერ დაანონსებულ ე.წ. მშვიდობიან დამხობებს” - კახიანი ელენე ხოშტარიაზე
- “შემიძლია, პაატა ბურჭულაძეს სანაძლეო დავუდო – 4 ოქტომბერს, 20:00 საათზე ხელისუფლება ბურჭულაძეს თუ არ გადაეცა, მაშინ მან „ღვინოვ კახურო“ იმღეროს” - გურამ მაჭარაშვილი
- “2012 წლის შემდეგ, ახალი საცხოვრებელი, დაახლოებით, 39 000-მა დევნილმა ოჯახმა მიიღო, ამ მიმართულებით გამოყოფილი ბიუჯეტი 25 მლნ ლარიდან 240 მლნ ლარამდეა გაზრდილი” - ირაკლი კობახიძე
- ქუთაისში ნარკოტესტზე გადაყვანილმა მოქალაქეებმა ექიმები და პოლიციელები სცემეს
