ამასთან, კვიპროსში ორი ადამიანი დაიღუპა და მეზობელი ქვეყნებიდან, იორდანიის, ისრაელის და ესპანეთის თვითმფრინავები ხანძრის ჩაქრობის სამუშაოებში დასახმარებლად გაემგზავრნენ.

საბერძნეთში კი ტყის ხანძარმა რამდენიმე სოფლის ევაკუაცია გამოიწვია
სახანძრო სამსახურის ცნობით, კორინთოს მახლობლად ხანძრის ჩაქრობას 180-ზე მეტი მეხანძრე, 15 თვითმფრინავი და 12 ვერტმფრენი ებრძოდა.

თურქეთის ჩრდილო-დასავლეთში, ბილეჯიქის პროვინციაში კი, ტყის ხანძრები მეოთხე დღეა გრძელდება. ასევე, ქვეყნის ცენტრალურ ესქიშეჰირის პროვინციაში ხანძრების ჩაქრობისას, სულ მცირე, 10 სატყეო და სამაშველო სამსახურის თანამშრომელი დაიღუპა. ბოლო დღეებში ქვეყნის მასშტაბით ტემპერატურამ 44 გრადუს გადააჭარბა და ხანძარი ამჟამად ხუთ რაიონში მძვინვარებს. ევაკუირებილია ათიათასობით ადამიანი.

ხანძრებმა მსხვერპლი გამოიწვია ლათინურ ამერიკაშიც. კერძოდ, ჩილეში სამი მეხანძრე დაიღუპა და ტყეები მნიშვნელოვნად დაზიანდა.

ექსპერტები კლიმატის ცვლილებას ხანძრების რისკისა და ინტენსივობის გამწვავების მნიშვნელოვან ფაქტორად მიიჩნევენ, რადგან ხანძრების უფრო ხანგრძლივი და ინტენსიური სეზონები ნორმად იქცევა.