ტაილანდსა და კამბოჯას შორის სასაზღვრო შეტაკებაა – არის მსხვერპლი
სადავო სასაზღვრო ზონაში ტაილანდელ და კამბოჯელ ჯარისკაცებს შორის შეტაკების შედეგად, სულ მცირე 12 ტაილანდელი, ძირითადად მშვიდობიანი მოქალაქე დაიღუპა,- ამის შესახებ “ბიბისი” წერს.
წყაროს ცნობით, ბრძოლები სამხრეთ-აღმოსავლეთ აზიის ორ მეზობელს შორის ხანგრძლივი დავის ესკალაციას აღნიშნავს. ბოლო კვირების განმავლობაში, კამბოჯამ და ტაილანდმა საზღვრის გასწვრივ დამატებითი სამხედრო ძალები განათავსეს.
ვითარება ტაილანდსა და კამბოჯას შორის მას შემდეგ დაიძაბა, რაც ერთი დღით ადრე, საზღვრის გასწვრივ ნაღმის აფეთქების შედეგად, ტაილანდელი სამხედრო დაშავდა.
მედიის ცნობით, კამბოჯას ტაილანდის სოფელში რაკეტების გაშვებასა და საავადმყოფოზე თავდასხმაში ედება ბრალი, ხოლო ტაილანდმა კამბოჯის სამხედრო ობიექტებზე საჰაერო დარტყმები განახორციელა.
ტაილანდმა კამბოჯასთან მთელი საზღვარი ჩაკეტა მას შემდეგ, რაც ყველა იქ მყოფ თავის მოქალაქეს ქვეყნის დატოვებისკენ მოუწოდა, თავის მხრივ, კამბოჯამ ტაილანდთან დიპლომატიური ურთიერთობები ყველაზე დაბალ დონეზე შეამცირა.
ცნობისთვის, ტაილანდსა და კამბოჯას შორის სასაზღვრო დავა საუკუნეზე მეტია, გრძელდება.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
