მარსელში ტყის ხანძარს ებრძვიან – დაშავებულია 13 ადამიანი, მათ შორის 9 მეხანძრე
საფრანგეთის სამხრეთ ნაწილში გაჩენილი ტყის ხანძრის გამო, სულ მცირე, 13 ადამიანი დაშავდა, მათ შორის 9 მეხანძრეა. ამის შესახებ ინფორმაციას Sky News-ი ავრცელებს.
ადგილობრივი სახანძრო სამსახურის ცნობით, მარსელის ჩრდილოეთით, ლე პენ-მირაბოს ქალაქთან გაჩენილი ხანძრის ჩასაქრობად 168 მეხანძრე იყო მობილიზებული.
როგორც ოფიციალურმა პირმა ჟურნალისტებს განუცხადა, ხანძრის შედეგად ამ დროისთვის 700 ჰექტარი მიწა დაიწვა და 10-ზე მეტი შენობა დაზიანდა.
ადგილობრივი პრეფექტის ჟორჟ-ფრანსუა ლეკლერის თქმით, დაღუპულთა შესახებ ინფორმაცია არ დაფიქსირებულა.
მანამდე გავრცელდა ინფორმაცია, რომ ტყის ხანძრების გამო ქვეყნის ერთ-ერთი ყველაზე დატვირთული აეროპორტის მარსელ პროვანსის დახურვა გახდა საჭირო.
ხანძრის ჩასაქრობად ამ დროისთვის სახანძრო მანქანები და ვერტმფრენები მუშაობენ.
სიახლეები
- 18 სექტემბრის ასტროლოგიური პროგნოზი
- “ეუთო/ოდირი დააშინა ბულინგმა, რომელიც საპარლამენტო არჩევნების შემდეგ მათზე განხორციელდა და ვფიქრობ, ეს გახდა ჩამოსვლაზე მათი უარის მიზეზი” - დიმიტრი ხუნდაძე
- ელენე ხოშტარია იზოლატორში მისულ უფლებადამცველს არ შეხვდა
- ზურაბ ზვიადაური ცეცხლსასროლი იარაღის უკანონო შენახვა-ტარების ბრალდებით დააკავეს
- არსებული ინფორმაციით, ფინანსთა სამინისტროს საგამოძიებო სამსახურის მიერ, ალკოჰოლისა და უაქციზო სიგარეტის არალეგალური წარმოების ბრალდებით დაკავებულ 7 პირს შორის ერთ-ერთი ყოფილი მოკრივე გიორგი კანდელაკია
